探熱針
湯盈盈提早生 錢嘉樂掙扎入產房
恭喜！恭喜！錢嘉樂與湯盈盈的小蛇女 Alyssa，星期日（三月十日）終於出世，首次為人父親的錢嘉樂，由老婆凌晨陣痛，到推入產房分娩，全程陪伴在側， B女出世，他更親手負責幫囡囡剪臍帶。
回想「剪綵」一刻，錢嘉樂不失搞笑本色：條臍帶硬硬哋！
提早出世
預產期原本於三月十七或十八日的湯盈盈，上週一晚（四日）還挺住大肚返電視城，出席由行政主席梁乃鵬宴客，慰勞《老表，你好嘢！》演員的飯局。
無諗住咁快生得，當時盈盈仲話未準備好入院行李，只買了幾個巨 cup胸圍，因為 BB大得快，自己胸部亦同時脹大，笑稱囡囡出世後唔怕冇奶飲。
到上星期六半夜，湯盈盈覺得個肚開始唔舒服，拖到天光六點，決定去醫院。停工陪產的錢嘉樂，一直陪住老婆，經過十多小時陣痛，週日下午十二時半，囡囡 Alyssa以自然分娩出世，母女平安。
樂樂盈盈的小蛇女叫 Alyssa，中文名爺爺仲未改好，錢嘉樂話有諗過生仔叫「錢進」，生女叫「錢晴」，更已計劃遲吓生多個。
唔敢望
錢嘉樂說，當其時醫生護士叫他入產房，初時因為細膽唔敢入，後來也頂硬上，傍住老婆側邊，陪盈盈呼氣吸氣，其間護士叫他行到正面睇住囡囡點出世，錢嘉樂即 say no：「唔敢，希望留番啲幻想空間！只係埋去剪臍帶，我初時以為臍帶係好腍，點知原來硬硬哋！」
至於囡囡似邊個？錢嘉樂繼續搞笑：「護士話似我，我即刻諗起盛女 Bonnie，所以都係唔好，好在屋企人話似太太，對眼好大。」
錢嘉樂又形容自己囡囡喊聲似噴水池，覺得做到爸爸的感覺很奇妙，還即場拋英文：「覺得好 amazing、 incredible同 wonderful，我淨係識呢三個英文！」
湯盈盈採用自然分娩，身體復元時間較快。星期日生完，本週二（十二日），她已經可以離開嘉諾撒醫院，返回家中休息。
錢生錢太更向在醫院樓下守候的傳媒，派發朱古力，分享成為爸爸媽媽的喜悅。
去年十一月補擺喜酒，當時湯盈盈已經現巨肚，胸部升兩 cup，有足夠「彈藥」餵 Alyssa飲人奶。
留言列表
