SHINE之前喺 Star Hall舉行 3場演唱會，久未開騷嘅又南（左）同天佑（右） high到除衫爆肌，今次升呢殺入紅館，天佑繼續搵明星教練兼林珊珊男友 Michael操肌。
真面目
過肥年 擸 Sammi檔期 SHINE跨年爆騷秒殺林峯
紅館檔期爆晒廠，尤其除夕同農曆年等黃金檔，冇番咁上下地位都好難搶到。
今年的跨年騷原本由 Sammi鄭秀文獨霸，後來天后棄權唔玩，檔期隨即被各歌手吼到實。單計 12月尾至 1月，已經有多個港台歌手及組合開騷，當中最快爆場竟然唔係 chok王林峯、亦唔係台灣舞王羅志祥；竟然係黃又南及徐天佑的 SHINE，於除夕及元旦連開兩場，所有票價全部售罄。對住呢隊冇唱 5年歌、忽然於今年翻 hit的二人組合，「亞太區最受歡迎男歌手」的林峯少爺都要投降！
連續 4年開演唱會的林峯，繼今年 7月開完騷後，下年 1月再在紅館開兩場。票房開賣近兩週，頭場已爆，尾場就只得 480元貴飛爆滿，告急 chok王為谷飛出盡絕招，除邀請新晉女神岑麗香合拍微電影做宣傳，更出口術玩暫別紅館。「出年要拍戲同出唱片，驚唔夠時間，而且我已經開 咗 4年，係時候去吸納多 啲新音樂，或者會暫停 1、 2年，所以好珍惜今次演唱會！」講到明唔睇要等多 2年，可惜售飛情況依然慢熱。
難得攝到除夕檔又 full house， SHINE表示於除夕晚預咗會超時罰錢，最緊要粉絲玩得盡興！
多贊助
8月的九展個唱反應熱烈，年尾的《 SHINE Passion Live》除獲歌迷支持，更有多個贊助商包括百事及 7-11等大牌爭住 sponsor。
喺觀塘如心艾朗酒店搞記招的 SHINE，唔使高層撐已迅速賣晒飛。
搶期靠運氣
TVB一哥出盡力谷飛，但 8月已於九展開完 3場個唱的 SHINE，今次跨年騷除撼低天王天后爭到除夕檔外，更唔使點宣傳已經爆晒，可以同粉絲倒數 high住過年。
搶到好日開騷， SHINE經理人 Amy Chin話原來靠運氣，「喺九展做完《 SHINE Again》之後，主辦單位 Live Nation見反應好好，主動同我哋傾，希望可以開 part 2，我哋覺得一係唔開，一開就要去紅館，同埋要食住個勢喺今年開。但其實之前 Sammi放個檔期出 嚟時，好快已經俾人搶晒，加上入紙要一年前入，又起碼要 reject三、四次先批，我哋都諗住冇希望，點知原來紅館之前 hold起 咗除夕元旦兩日做維修，咁 啱又可以提早整完，我哋咪試吓申請囉！好好彩最後真係批到個期畀 SHINE！」天時地利人和夾到咁，整定 SHINE行大運啦！
高層撐
喺五星級酒店 Ritz-Carlton開個唱記招， TVB及英皇高層樂易玲（左一）同吳雨（左二）都畀面捧場，錫到燶！
微電影谷飛
林峯開個唱前都要拍套微電影宣傳，仲要請埋新女神香香做女主角，使唔使咁大陣仗先？
台灣幫贏晒
MR.繼續谷
小豬威盡
小豬下月 18日連開 4場，除尾場有中價$480飛賣，其餘全部滿座，秋生想踩場都唔係咁易喎！
Kary爆一場
Kary下月 8至 9日開騷，頭場全爆，反而加場的成績麻麻，只得平飛滿。
RubberBand平飛滿
下週日（ 9日）已經開騷，但 RubberBand中、貴價未賣清，加上宣傳未夠，想爆要諗計！
湯寶如仆晒
留言列表
