上月中， Eason同阿徐一齊去李璨琛婚禮，雖然當時未發生任何事，但兩公婆都已經唔多識笑。
封面
Eason喝「檢點」 阿徐東京着草冷戰
去年 10月，傳聞發生於黃浩在灣仔花雕雞食肆的「開飯」 P，醜聞愈爆愈多， 23男女迷幻飯局中更有人妻與四眼仔攬錫。
上週日將 黄浩相貼上 instagram的徐濠縈亦被牽連，事後更被踢爆飛到東京。本刊得悉，阿徐避走東京 5日，在當地狂掃 fur洩憤，而據知其老公 Eason亦為老婆胡亂貼相上網事件嬲到震，更曾喝罵叫老婆「檢點啲」。
消息指， Eason已有一連串部署，完成 12月最後一場巡唱和所有樂壇頒獎禮之後，明年 4月便暫休半年，希望藉此跟阿徐修復關係。單親家庭長大的 Eason，一心為入讀名校、 8歲的女兒康堤着想，用心良苦。
自 11月 22日，盛傳有人四處兜售一條短片，內容涉及知名度極高的四女一男藝人，在黃浩的食肆「開飯」。阿徐於 25日突然在其 instagram上載藝人徐淑敏丈夫黃浩的大頭相，再經陳冠希多手轉貼，未幾李璨琛太太 Pae即寫道「做人渣中之敗類」等侮辱說話，掀起更多風波。黃浩更稱被大家姐恐嚇，更傳出有人妻在飯局內與一名四眼仔攬錫。
掃 fur洩憤
日本 5天冷靜期之旅，唔知身穿橙 黄 fur阿徐有冇反省，但佢都不忘瘋狂掃貨，仲食咖喱豬扒飯添！
Eason情緒波動
其實，事件爆發翌日，撞啱是 Eric Kwok（郭偉亮）和葉佩雯補擺喜酒，好姊妹阿徐竟然冇到，全程戴太陽眼鏡做兄弟的陳奕迅，一臉無奈。
據知，無論平日傳媒如何寫阿徐負面新聞， Eason都出面力撐，但今次 Eason終於忍唔住向老婆開火，連 Eason經理人陳家瑛都罕有地插手家事，以免再影響 Eason情緒。
Eason北京巡唱頂硬上
心情勁差 嘅 Eason，週日（ 2日）於北京舉行演唱會，有觀眾嫌演唱會商業味太濃，植入廣告貫穿全場， Eason慘被噓爆。
’13四月停唱
受喉嚨生繭困擾幾年 嘅 Eason，去年都有到武漢搵名醫李杰求診。
Edison轉發阿徐的 instagram掀起風波，令兩公婆冷戰一星期。
反常匿後台
Eason在演唱會後台成晚粒聲唔出，只係拎住部電話狂 㩒，最後要陳家瑛出馬安撫。
放假半年挽危機
直至上月 28日，新聞愈炒愈多，阿徐悄悄單拖飛到東京避風頭。
據知此行阿徐瘋狂 shopping，狂掃名牌 fur過冬，仲會合當地朋友吃喝玩樂，玩足 5日。表面上毫不在乎的阿徐，更任由友人影相放上 instagram，但實際上，這次東京 5日之旅卻是冷靜期。
知情人士說︰「阿徐臨飛東京前， Eason確係同佢嘈咗鑊，仲嬲到叫阿徐以後要檢點啲。 Eason今次好激動，上星期喺北京嘅音樂會，真係一反常態，平時見咩人都吹水，嗰晚喺後台一粒聲都唔出，大家都擔心佢上台會發台瘟，最後要陳家瑛出動安撫佢，見佢哋行埋傾咗陣。」
原來， Eason已有打算，待本月 20號完成 Duo巡迴最後一場的澳門站之後，再出席完四個頒獎禮，於明年 4月開始會放假半年，一來是養聲；二來最希望是抽更多時間，跟阿徐和康堤相處，增進感情。
出埠唔黐家
阿徐經常為時裝店飛來飛去，又會出席時裝周，莫講話湊女，兩公婆見面時間都少之又少。
今年 7月，阿徐同 Eason、康堤飛加拿大溫哥華度假，食 lunch時被強國人偷拍，阿徐竟然反拍對方，並放上微博怒批「沒有禮貌的中國人！」即時被上萬名中國網友回轟。
成日飛冇見面
其實，自從阿徐有自己的時裝生意之後，與 Eason相處時間減少，由於 Eason本身都是在單親家庭長大，只希望康堤在一個健康的家庭成長，所以 Eason希望阿徐這次日本之旅返港之後，大家冷靜地「好好傾吓」。
知情人士說︰「 Eason 07年一個巡唱、 10年又一個巡唱，有時佢喺香港，阿徐又話要飛呢度飛嗰度，扣扣埋埋一年見得幾多吖？今年 7月，係 Eason主動提議一家三口去旅行，好難得可以靜靜地去溫哥華渡假，加上 Eason一直都望追多個！佢兩公婆喺康堤面前好好，唔會畀 hard feeling個女！」
至於另一個決心停唱的原因，是 Eason的喉嚨生繭，已經困擾好幾年，但 Eason一直唔肯做手術，需長期到武漢睇名醫。「醫生已經講到明，再唔休息手尾好長， Eason最近精神真係好差，陳家瑛同唱片公司都贊成停唱，但 Eason點都唔肯做手術。」
本週一（ 3日），本刊追訪黃浩與老婆徐淑敏到將軍澳午飯短聚，迷幻飯局風波愈搞愈大，徐淑敏希望息事寧人。而對於老公被人出口侮辱，煩爆的她挺夫說︰「其實唔係佢（阿徐）講嘅（指在 instagram數 黄浩），第二把口講嘅，唔好再 comment咁多，只係想快啲 close file（了結）。喺報紙雜誌見到呢類新聞，其實都唔開心，亦希望佢哋（ Eason）屋企人都開開心心啦。」
3/12 2:30pm迷幻飯局煩死徐淑敏
因迷幻飯局事件，徐淑敏再次受追訪，但她直言希望息事寧人，據聞樂易玲已下令她封口，置身事外。
想快啲了結！真實對白
午飯短聚
徐淑敏下午要幫無 綫拍 嘢，黃浩趁有時間，同老婆近近哋喺將軍澳歎日本菜。
康堤係 Eason嘅掌上明珠，萬大事都以阿女為先，唔敢輕舉妄動。
佢班人多是非！真實對白
送走老婆之後，黃浩單拖離開酒店，本刊問他有關近日餐廳的是非，他說︰「冇眼睇呀！已經交 咗畀警方同律師，佢哋班人多是非……可能大家諗法唔同，今次當訓練我 EQ！」
傳人妻打茄輪
男角曝光
去年 10月 15日， LMF成員 Kevin仔於微博力數黃浩開設的「台灣一品花雕雞」，濫收 2千多元，黃浩即反擊更表示保留法律追究權利，最後 Kevin刪去有關留言。
而鬧事當晚，據知 23人當中有知名藝人、人妻、女主持和樂隊成員，其間有人在捲煙，仲有藥丸和白色粉末在枱上面，人妻其後亢奮四圍走四圍叫，失驚無神同旁邊四眼男打茄輪，而盛傳跟人妻攬錫的四眼仔，有消息指是平日少戴眼鏡的廿四味成員 Kit（梁永傑），曾經在中環夜店打人惹上官非的 Kit，於今年 4月和圈外女友 May結婚，好友杜如風亦有在微博留言祝福。本刊週一（ 3日）曾多次致電他，但手機一直是漫遊鈴聲，長響冇人接。
粗口 Band廿四味 Kit
曾為 LMF成員之一，現屬粗口樂隊廿四味的 Kit，在圈中有不少蒲友 friend，不時出外飲飲食食。
Kit和圈外女友 May拍拖 8年多， 06年曾經分手， 08年再次復合，並於今年 4月拉埋天窗。
Kit與不少圈中人相熟，包括杜如風、梁漢文老婆 Karen和徐濠縈等。
兩公婆各自搵
Eason近年唱巡迴騷賺到笑，但喺香港嘅時間就買少見少，兩公婆聚少離多，二人亦各有各銀。近年開鋪又係名牌活動常客嘅阿徐，做咗時裝達人，搵落唔少，絕對有條件獨立！
開鋪創業
《壹週刊》圖片
09年阿徐與好友 Dorothy開設自家時裝店 Liger。開店 3年 Liger已開到第 3間分店，即開鋪的銅鑼灣分店更位於百德新街嘅潮牌集中地。
孖住出騷
《蘋果日報》圖片
與 Wyman份屬好友，阿徐不時孖住阿 Y一齊出席活動，兩位都係潮流 icon，唔少品牌都鍾意搵佢哋去 show！
代言又賺
孭住 Eason嫂個名，前年做過 SK-II代言人，去年底阿徐與 STACCATO再度合作拍攝平面廣告，延續春夏季「阿腿」熱。雖然阿徐冇 42吋長腿，但照賺一筆。 
留言列表
