余文樂奉命剷除血滴子，連身為血滴子首領嘅好兄弟小天都唔放過。
真面目
兄弟幫 玩男男曖昧 阮經天余文樂摸完就殺
末日電影檔其中一套注目作，肯定係由黃曉明、余文樂及阮經天 3位中港台型男 孭飛的《血滴子》。早前有傳戲分分唔勻，加上監製陳可辛又無端端自爆小天先係真正男主角，樂仔老闆林建岳又睇唔過眼反擊，令電影未上畫已充滿火藥味。
監製同老闆隔空為仔罵戰，反而 3個演員 friend到爆，戲外經常約埋食飯打機，小天同樂仔更會摸面珠餵蘋果，戲內兩人則由好兄弟變敵人互相追殺。基味咁濃，咪嚇親小天真命女友許瑋甯呀！
今個月 27日上畫的《血滴子》，講清朝期間為皇帝執行秘密任務、由阮經天帶領的血滴子特務團隊，最初忠心耿耿效忠國家，對付革命領袖黃曉明，可惜皇帝後來用完即棄，派官員余文樂將成班血滴子滅口，令原本係好兄弟的小天同樂仔反面收場，樂仔更被迫追殺小天。
拍攝期間，山西只有 4、 5度，要拍打戲嘅樂仔同小天拍完都擦到周身傷。
戲中成日要打打殺殺嘅小天，身邊經常有大樽血漿跟身，方便化受傷妝。
唔使埋位時，樂仔輕撫小天塊面，啲眼神溫柔到呢……
黄曉明飾演嘅「天狼」，最初係血滴子追殺對象，但後來阮經天開始同情天狼，令余文樂睇唔過眼。
劉偉強：似飛碟嘅血滴子
兄弟似情侶
早前《血滴子》舉行記招，小天同樂仔玩㓤手指滴血，隔籬海綿蛋糕黃曉明（右）得個睇字。
由於講 2人係感情深厚的兄弟，劇本中有唔少曖昧動作同對白，例如小天會幫樂仔梳頭，一邊梳一邊溫柔「表白」：「從前我也是這樣替你梳頭的！」
另外一幕小天被黃曉明摸面，樂仔又會呷醋質問，「你跟他什麼關係？為何你讓他摸你的臉？」肉麻程度連樂仔都嚇一跳，「我睇完個劇本之後，同小天都覺得似情侶多過似兄弟，小天仲話呢 啲對白好難對住我講出口，我咪叫佢自己爆肚囉！反正導演都聽唔明國語！」
對白基味濃
從前我也是這樣替你梳頭的！（真實對白）
呢幕由小天幫樂仔梳頭，無論眼神手勢定表情，都真係 so gay喎！
餵蘋果摸面
戲內疑似互相傾慕，但其實小天同樂仔私底下玩得仲癲。在山西日對夜對兩個月，兩人除了約打籃球外，收工後又去對方酒店房打機，仲會互餵蘋果互摸面珠，煙韌過海綿蛋糕同 Baby。
戲中對白曾講過「只有男人不會拋棄男人」的小天，為劇組錄製作特輯時，刻意對住鏡頭搞事，「難得遇到一個各方面都還不錯、很好的朋友，我覺得這是一個很幸福的事！不是不是，應該是很幸運的事！」為套戲咁投入，男人老狗咁鬼骨痺，真係辛苦晒小天！
明明 man爆嘅小天，竟然要樂仔服侍餵蘋果，如果換轉係個靚女餵，畫面應該溫馨好多！
樂仔同 黄曉明同係 11月 13日生日，電影公司為兩人搞生日 party，兩個大男人 high到嘴對嘴。
3D重口味
聽戲名已經知套戲充滿打打殺殺，但原來除此之外，戲中仲有唔少血腥暴力場面。今次全片用 3D拍攝，睇完分分鐘以為自己成身血！
五牛分屍
「五馬分屍」聽得多，「五牛分屍」就第一次見。劉導覺得牛行得比馬慢，受刑者會增加拉扯 嘅痛苦，超殘忍！
煙薰吊頸
井柏然同另一血滴子隊員被處以繯首極刑，未死前會被煙兜口兜面狂噴，唔吊死都窒息！
人頭拋空
留言列表
