close
倫伯原本背住餐廳個門口坐，但記者 喺出面企唔夠幾秒，就俾佢發現，校長夠晒好眼力！
望吓嗰邊， 12點鐘位置呀！（設計對白）
媽咪姐
譚校長雷達眼
為 咗撐老死曾志偉， N年冇拍戲 嘅阿倫，義字當頭，又拍賀歲片又上無 綫《勁歌》。媽咪姐前幾日睇完佢套《 2013我愛 HK恭囍發財》，估唔到六十有幾 嘅倫伯，搞笑講 gag都仲有一手，完全唔覺「回塘」噃！
戲裏搞鬼，戲外同樣咁精靈，前幾日，記者 喺大坑食晏，見到佢同彭健新幾個波友食飯。倫伯雖然背住門口坐，但警覺性極高，話咁快就「聞」到有鏡頭 喺附近，仲好友善咁同記者揮手打招呼。佢埋完單，仲凸住個肚腩走出 嚟，同記者講新年快樂㖭！比起新一輩 嘅藝人， 喺街度見到鏡頭，十個有九個黑面，譚校長呢 啲咪叫做大將之風囉。
最鍾意吹水嘅譚校長，同彭健新（左一）傾到好興奮。
倫伯身形雖然不復當年勇，但待人處世依然十年如一日，值得唔少未紅先驕嘅後輩學習。
譚校長個賀歲片造型娘得嚟都幾爆笑，完全無理形象㗎。
全站熱搜
留言列表
