金亞中 06年演醜女爆紅，今年演「性女」成話題。金喺戲中有多個「火辣」場面，而佢自己就話：「一啲尷尬都冇。」
亞熱帶
金亞中 性女翻身
06年，韓國女星金亞中憑《醜女大翻身》紅爆亞洲，但之後無以為繼，足足沉寂 咗 6年。直到 13年，金亞中突然以「性女」姿態重炮回歸，跟韓國實力派男星池城拍 咗一套被韓國評為「 19禁」 嘅電影——《我愛瘋 sex》（香港 2月 28日上映）。
電影有唔少性幻想情節，金亞中除 咗發揮其喜劇天后本色外，扮演性幻想者及 牀戲都揮灑自如。
《我愛瘋 sex》，顧名思義，當然以 phone sex為題材。金亞中飾演恨嫁中女、為 咗𠱁男友開心，試玩 phone sex。誰不知一次意外，竟然打錯 咗俾 啱 啱俾女飛 嘅男主角池城。劇情發展，當然由 phone sex虛擬性伴變成真正情侶啦。
金亞中同池城 喺戲入面有唔少火辣 牀上戲，兩人玩 phone sex時，又加插好多性幻想場面。意識咁大膽，被評為 19禁（即 19歲以下人士禁止觀看），係有理由 嘅。
露 bra色誘
為咗箍男友，金亞中不惜谷胸露 bra玩色誘。
幻想性趣
金亞中為增加「性趣」，竟然玩 phone sex，點知打錯俾男主角池城。對方聽到佢嘅「淫聲浪語」，興奮到爆。
發展「瘋」情
玩 phone sex玩出真火，金亞中同池城由虛擬性伴變真情侶。
30歲嘅金亞中，喺《我》入面，繼續騷長腿，騷身材。真係要問句池城，你頂得住冇？
學歷高冇用
金亞中 06年憑《醜女大翻身》一炮而紅，連擸多個影后獎。
話說今年 啱 啱 30歲、擁有韓國著名大學——同德女子大學公演藝術系學位、及高麗大學言論大學院放送映像碩士 嘅金亞中，應該似金泰熙咁， 喺藝能界如魚得水先係！事實相反， 04年出道時，金亞中雖然先後都有拍劇同拍戲，但工作量唔多，當然人氣亦唔會高得去邊。直至 06年，一齣《醜女大翻身》，令佢名副其實真正大翻身，憑《醜》一躍成為「真正的明星」。可惜風光過後，大明星光環黯然失色，莫講話佳作，根本完全冇晒聲氣。
冇搞作已經唔 alright啦，但衰 嘢仲一單又一單。先傳出佢嘅整容新聞， 09年 2月，韓國網絡突然更出現 咗金亞中一張裸照。佢經理人公司立即澄清話張相係合成照。但金亞中裸照事件後，絕迹公開場合。
聲沉影寂 咗幾年，有身材、有演技 嘅金亞中終於憑「性女」再一次大翻身 嘞。 
09年，網上突然瘋傳疑似金亞中嘅露胸相，雖然經理人辯稱是合成相，但金亞中卻為此事隱形咗一段時間，直至 10年喺一個品牌活動上現身。（左圖）
繼隆胸後，前年，金亞中又被爆整容。
金亞中接受雜誌訪問時，特意以素顏出現，銳意澄清有關其整容傳聞。
舊年 12月《我》喺韓國首映，男女主角金亞中同池城拍住拖出席。
池城乃韓國實力派演員，之前佢同金在中合作嘅《守護 Boss》剛啱喺無綫劇集台播完。所以香港觀眾對佢好熟識㗎啦！今次佢喺戲中飾演俾拍拖 7年嘅女友飛甩，之後被金亞中隔空「性」挑逗嘅宅男。
留言列表
