close
當年今周
戀愛季節
李克勤、盧淑儀 開花結果
有個咁幸福嘅家庭，梗係要晒命啦。 2011年李克勤就喺演唱會公開一家四口嘅家庭照。
檔案編號第 446期
日期： 13/02/2004
李克勤、盧淑儀係城中出名嘅模範夫婦，愛情路上都算順利。尤其女方喺李克勤事業低潮時，仍喺背後默默支持，十幾年如是，真係好難得。 2004年，《忽周》就影得兩人連同雙方家長，一齊到北海道旅行，嗰種幸福味真係望相都 feel得到。結果兩人喺 2006年結婚，先後育有兩子，幸福滿到瀉。
汪明荃、羅家英 細水長流
檔案編號第 604期
日期： 23/02/2007
汪阿姐同羅家英由 1988年恩愛至今，實在係典範。雖然男方被指曳曳去骨場尋歡，兩人亦曾患癌，但多年來風雨同路，就好似 2007年佢哋共用一把遮咁互相扶持。至 2009年，兩人於美國註冊結婚，為呢段廿年愛情長跑開展完美新一頁。
周杰倫、侯佩岑 各自各精彩
檔案編號第 499期
日期： 18/02/2005
2005年 2月，《忽周》影到台灣天王周杰倫、女主播侯佩岑親密同遊日本。男才女貌，天作之合。可惜戀情維持一年半就分手。事後男方桃花不斷，女方喺 2009年撻着金融才俊，拍拖 3個月即共賦同居，並於 2011年結婚。周侯兩人情花雖然未能結果，但最終各自都搵到幸福，都係好事。 
周杰倫桃花不斷， 2011年認識年輕 15歲嘅嫩模昆凌。不過兩人愛得低調，未有公開合照， 2012年始被影得到餐廳用膳。
侯佩岑 2009年邂逅夫婿黃伯俊，拍拖 3個月即同居並答應對方求婚。
全站熱搜
留言列表
