close


5月28日雨中漫步
巨胸Jin背住欣宜偷約柑桔，陪完女方行Sogo購物後，再為女方擔遮，在鬧市雨中漫步一小時。
鄭少秋新劇《心戰》上映，即被指拖低股市，不過秋官亦好少理，難得在港，主動約大女欣宜在正日（5月30日）慶祝25歲生日。欣宜有秋官陪過生日，本來應該開心。不過，其31歲韓籍新歡崔豪晉（Jin）卻趁在欣宜生日前夕，偷嗒「味之天使」柑桔（陳蕊蕊），浪漫談心兼當街攬錫。
欣宜同拍拖五年的Mark Ryan剛分手，戀上巨胸Jin本來仍處於蜜月期，現在卻發現新歡一腳踏兩船，呢份「生日禮物」認真難忘！男友暗中作反，好在老竇秋官撐到行，幾時都話親情緊要過愛情。

 
一直以來，外界以為欣宜與加拿大籍英語教師Mark Ryan打風都打唔甩，更有傳男方本來打算今年內向欣宜求婚，可惜分手收場，連秋官都話：「兩個人都拍咗拖五年幾，好可惜！」不過分手後的欣宜不愁寂寞，因為已火速搭上韓籍巨胸男模Jin。
欣宜四月被拍到跟Jin撐枱腳，當時被撞破好事的她一臉尷尬，只好火速離去。事後她自動投案，致電電台宣布跟拍拖五年的Mark Ryan已分手，明顯為自己和Jin的新戀情而鋪路。之後Jin被影到等欣宜放工，然後兩人齊齊返家嘆外賣。

Jin密會「柑桔」三小時
本周一（5月28日）晚上，本刊目擊Jin跟「柑桔」陳蕊蕊在銅鑼灣雨中漫步，然後一起到樓上店嘆咖啡。Jin跟柑桔同坐一邊梳化，其間不少身體接觸。兩人一直以英語和韓語交流，Jin不時用電眼發功，又不經意地掃女方大髀，柑桔亦很受落。而女方傾到興奮處，更不時拍男方的膊頭，兩人打情罵俏足足三小時才離開。分別前，Jin突然在大街大巷攬實柑桔，女方亦甜絲絲送上香吻，纏綿過後，Jin才依依不捨為女方截的士離開。

欣宜：我唔識答你！
本周二（5月29日），欣宜出席其主演的舞台劇《一屋寶貝》記招。談到翌日是她25歲生日，韓籍男友有冇表示時，欣宜大發嬌嗲：「冇呀！唔係男友，都話冇拍拖咯！（咁「好朋友」有冇表示？）朋友（Jin）都知我呢排忙，要排舞台劇，唔敢約我住。（同Jin有冇機會發展？）將來嘅嘢唔知。」為了解圍，欣宜突然自爆生日當天約了父親鄭少秋一家食飯慶祝，然後再一輪嘴談工作。但當記者踢爆Jin周一偷會柑桔，欣宜突然收起笑容：「我唔知道！（佢哋當街攬抱﹗）（睩大雙眼）吓？我……唔知！（覺唔覺得佢花心？）我唔清楚！（你係咪唔想公開戀情？）向來我都唔想講感情，俾啲空間我啦！」然後她邊行邊用眼神示意助手離開，記者再問她如果發現男友一腳踏兩船點算？欣宜無奈說：「我唔識答你！」

Jin人前大讚欣宜
2010年尾，欣宜和Jin因拍攝〈兄弟〉MV而認識，之後保持聯絡。本來有job才來港的Jin，近來因為欣宜而人氣急升，工作量大增。經理人公司安排他來港兩星期，幾乎日日有工開。據知他的出騷價已由數千升到五位數字，而Jin亦好識做不停大讚欣宜：「佢心地好，好有活力，跟她相處好舒服。我唔介意女朋友肥，女仔太瘦唔好睇。」Jin亦放風話自己有興趣唱歌和演戲，全裸都可以接受。冧掂欣宜，又識得把握機會，Jin十分識撈。據欣宜好友透露：「Joyce（欣宜）感情豐富，好容易就喊，但前排同阿Mark分手竟然唔太傷心，我哋班朋友都覺得奇。後來見報紙登咗佢同個男仔出街，打俾佢問，佢話兩人啱啱開始，不停大讚Jin好細心，好識冧佢。」向來有問必答的欣宜，提到新歡偷食竟然口窒窒。不過Jin今次偷食柑桔斷正，印證了靚仔信唔過，尤其Jin呢類口甜舌滑的肌男。睇嚟欣宜真係要帶眼識人啦！至於柑桔，則在電話中表示：「同朋友飲嘢啫！（當街攬攬喎！）唔好意思，我有嘢做！」即匆匆收線。

秋官撐女
就欣宜新歡偷食一事，秋官頗老定話︰「使乜驚！有我喺度，欣宜係叻女嚟！我唔擔心，佢唔會亂識男朋友。（佢有冇帶個新男友你見？）我冇見過，只係响報紙見過佢張相。個女佢做咩我都全力支持。（驚唔驚佢俾人呃？）冇驚過，佢好識諗。（如果佢話嫁呢？）我都支持㗎。」

柑桔轉型歌手
Jin偷嗒的𡃁模陳蕊蕊，舞蹈藝員出身，09年任《美味廚房》柑桔而廣為人識。同年因客串《四葉草》，34E驕人身材搶盡風頭。去年簽約做歌手，奪得新城「勁爆跳舞歌曲獎」。

《心戰》殺人如麻
繼今周講陳豪成魔之路，《心戰》劇情亦進入直路，眾人最後去向亦陸續揭開，不過個個唔係變成死人就要殺人。

秋官再被惡搞
鄭少秋近年拍劇數量唔多，但其「丁蟹效應」一直備受關注，而他的新劇《心戰》，截至本周三為止亦令恒生指數累積下挫274點。股民、網民心驚之餘亦不乏創意，除了post丁蟹劇照上網，又惡搞新聞報道，寸爆秋官累死股民。至於對《心戰》，有網民讚題材特別，秋官演得好，亦有網民批評太血腥，太多虛幻場面。

《心戰》毀譽參半
####

 


你都對得我住！（設計對白）


Jin在美國和韓國兩地發展模特兒事業，曾到東帝汶及伊拉克服兵役，人生經驗豐富。六呎高擁40吋巨胸的Jin，外表俊朗，正在首爾京畿教育大學教物理課程，並正修讀博士學位，能文能武。如此筍盤欣宜當然癡心。


4月24日，欣宜與Jin買完外賣，之後兩人返欣宜香閨慢慢嘆。欣宜望住Jin的溫柔眼神，冧到暈。《蘋果日報》圖片


掃大髀巨胸Jin同柑桔到樓上coffee shop，看似純情，不過Jin不時借意挨近女方，又掃腰掃大髀，互動勁多。


愈坐愈埋巨胸Jin愈坐愈埋，電到柑桔神魂顛倒。


街頭攬實臨走時二人當街攬到實一實，十分癡纏！


5月30日父親同慶生本周三是欣宜正日生日，晚上7時半，秋官駕車接欣宜兩父女食晚飯，難得有父親陪住，難怪欣宜笑晒口。


父女在8時到達銅鑼灣的「花盃」食日本菜。秋官不時撩記者，一時問點解記者要on call 36小時，一時又叫記者快啲返屋企食飯，十分搞笑。


4月3日，欣宜被拍得與Jin嘆茶談心，戀情曝光，但為免新歡被指第三者，欣宜未幾即自爆與Mark分手。《蘋果日報》圖片


Mark跟欣宜分手後，亦桃花多多，先同中國小姐趙哲妤傳緋聞，之後被影到同新女友啜爆迪士尼。


個女做乜我都支持！（真實對白）


陳蕊蕊


秋官插死陳豪陳豪最後同四大心魔講數，但係傾唔掂數，陳豪於是發狂，看到大哥發狂的陳茵媺上前阻止，反被陳豪勒頸。秋官見狀保護陳茵媺，混亂中陳豪被秋官殺死。


邵美琪自殺邵美琪知道男友陳豪是殺人犯後，她為替陳豪頂罪而殺人，並將警員揚明殺死。後來她被捕入獄，終在獄中割脈自殺。


讚


讚


彈

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄