close


學人做品酒師，花五十萬買地種葡萄自釀紅酒，廖碧兒揸住鋤頭將發酵葡萄攪勻，進行釀酒最初步的功夫。

廖碧兒○九年因為搭上李澤楷表弟林忠豪，飛甩拍拖五年的陳豪，攀附權貴大半年，廖碧兒同新歡玩完並背負「拜金女」罪名。「雙豪」情均成過去，失戀廖碧兒校啱時間，於美國加州Napa Valley的Robert Mondavi Winery酒莊，花二十多萬港元買了幾棵葡萄樹仔，釀製自家紅酒，埋葬與陳豪的舊情作紀念。

學釀紅酒
前男友陳豪鍾意飲咖啡，廖碧兒卻愛有錢人玩意紅酒，酒齡四年。「做咗藝人好多應酬，成日要飲啤酒香檳，我一飲有氣嘅嘢就會嘔，紅酒同白酒先無事，後來飲飲吓先發覺酒有好多唔同味道，上網摷資料，見美國葡萄產區Napa Valley有葡萄樹供人認購，平日有人代打理，我一年都會去三、四次，學習收割葡萄、發酵等過程，大約十八個月左右就有酒攞，但佢哋指定要客人親身飛去攞，要求好嚴謹。」廖碧兒說。

與趙薇為鄰
種蚊型葡萄樹連管理費，每年需二十多萬港元，廖碧兒話想以後生日、結婚、生仔等大日子，為自己釀製紅酒留個紀念。「○九年我感情好失意嘅時候，都親自釀咗第一支酒，係悼念一段感情。」當時適逢與陳豪分手，「你哋自己意會啦！」廖碧兒說。除了在美國認購葡萄，廖碧兒亦再花超過二十萬港元在法國波爾多，釀製自家紅酒和白酒，酒莊位置與剛以四百萬歐羅（約四千萬港幣），在當地購入大幅葡萄園的趙薇為鄰，不過法國方面對釀酒過程限制多多，客人不能親自落手，純粹等收成，無咁好玩。

考品酒師牌
飲紅酒飲上癮，廖碧兒近年開始自修考獲初級及中級品酒師牌，只要完成第三張paper，便可正式成為品酒師，她亦有開紅酒館計劃，希望將興趣發展成事業。「不過我而家仲好鍾意幕前工作，嚟緊幾個月會去大陸拍兩套劇，呢排飛星、馬、澳門登台，儲多啲錢先諗開鋪。」

品酒勝地
廖碧兒在美國加州Napa Valley及法國波爾多的酒莊，每年花近五十萬港元買位種葡萄樹，其中Napa Valley面積只有二十多呎，波爾多的種植場更嚴禁客人進入，避免影響葡萄生長。 Napa Valley天氣較熱，出產的酒味道較濃，酒質較強。至於一直以盛產優質葡萄酒享譽世界的波爾多，共有六十多個酒莊，有「葡萄酒之都」美譽，每兩年一次會在此舉行世界級際酒展Vinexpo。至於品酒師牌，現時香港沒有設立認可的專業考試或法定資格，但「香港專業品酒協會」可以提供一些課程給業內人士報讀，部分修畢課程後，可參加國際性考試，考取國際認可資格。職業訓練局及旅遊服務培訓中心亦有提供相關課程，但只設初班，廖碧兒要完成第三級品酒師資格，必須到外地參加國際考試。 ####

 
分手後，陳豪火速搭上陳茵媺，廖碧兒感情卻未有着落。

 
第一支釀成的紅酒，貼上「Lui Bernice」的名字，她說是用來悼念一段刻骨銘心的舊情。


廖碧兒拿起自家種植的葡萄，雖然唔係好大粒，但勝在生得夠密茂。


搞完一大輪，她徒手撈起發酵葡萄，由於發酵時間未夠，味道並不濃郁。


廖碧兒所買的數十呎蚊型葡萄園，豎起個牌寫着「Block 1 ME」，其實只得幾棵樹仔。


廖碧兒有份參與，近期在內地熱播的劇集《深宮諜影》，飾演其中一位妃子，與大班內地女星爭鄭嘉穎。


波爾多酒廠


Napa Valley種植場

arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    litalife 發表在 痞客邦 留言(0) 人氣()

    E-mail轉寄