close


半裸的Martin負責揸船，攬着男友的邢嘉倩一臉滿足。

前Esprit太子女邢嘉倩，自從與澳門實德主席楊海成兒子楊嘉杰甩拖後，表面上好似冇乜着落，不過老豆邢李㷧身家過百億，做女嘅又點會冇仔埋身？其實轉個頭邢嘉倩已經有新仔，向來食開中餐的她今次轉口味食西餐，自小喺美國讀書嘅佢同老外男友Martin都鬼聲鬼氣，唔知會唔會拍得耐啲呢？

 

黐身甩拖
邢嘉倩前年搭上楊海成二子楊嘉杰，雖然拍拖年多期間二人經常分隔兩地，但一有機會他們就爭取時間見面，聖誕、除夕齊齊過，暑假時邢嘉倩更黐到實，與楊家齊齊去歐洲旅行，儼如新抱仔一般。據知他們年多的戀情話咁快玩完，原因是邢嘉倩太過黐身，他們朋友都說：「Claudia（邢嘉倩）同楊家啲人都OK夾，不過兩個始終少見面，試過離離合合，都係唔掂。」

改冧鬼仔
甩拖後邢嘉倩極速換畫，今次換上鬼仔Martin，他現職於KPMG Services Pte Ltd，二人拍拖一年，感情穩定，知情者說：「佢哋喺北京讀書時識，雖然上一段戀情Claudia因太黐身俾仔飛，今次佢都唔知死，又做貼身膏藥黐實男友。」二人影相時更經常攬腰、啜面，甚至狂野地揸男友胸肌，好彩Martin仍非常受落。女兒有新戀情，母親張天愛一如既往，女大女世界，淨係肯答一句：「唔好意思，唔方便講。」 ####

 
邢李㷧（右一）與張天愛在邢嘉倩（中）三歲時離婚，九四年邢李㷧迎娶林青霞，誕下兩女邢愛林（右二）及邢言愛（左二），一家五口感情要好。

 
張天愛


除了喜歡出海拍拖，邢嘉倩亦愛與朋友開船P，食煙飲酒少不了，李澤楷表弟林忠豪（ 中） 亦是鐵腳。


攬攬她攬住男友都要擔住支煙。


胸襲邢嘉倩從後胸襲男友，Martin笑晒口，非常enjoy。


嘴嘴去年聖誕節，二人溫馨的在家中度過，Martin啜爆女友。


與楊嘉杰拍拖時，她經常孖住男友家人出海。


○七年她另一舊男友、陳冠希契細佬Kevin藏毒，她被老豆勒令分手，兩年情玩完。

arrow
arrow
    全站熱搜

    litalife 發表在 痞客邦 留言(0) 人氣()

    E-mail轉寄