close
句句金
句句金
失戀後嘅周秀娜暴瘦又大降 cup，引起「拆彈」疑雲，日前佢出席活動時公開否認：
冇裝過點拆?
哎吔，女星嘅胸同股票一樣可升可跌，閱胸無數嘅媽咪姐都解釋唔到。
容祖兒早前跟一班奧運金牌得主同台表演，事後佢興奮表示：
運動員係我最敬佩嘅「生物」，係動物先啱，唔係……應該係人物。
祖兒諗清楚最後答案未？同埋佢最敬佩嘅乜唔係老闆楊受成咩？ 
雖然已經限制奶粉出境，但跟蔡少芬育有一女嘅張晉似乎未有受惠，日前仲喺微博留言：
我胸，奶不可擠。
奶粉，遙不可及。
咪係！男人如果可以哺乳，就未必會有奶粉荒。家吓惟有辛苦蔡少芬了！ 
Angelababy啱啱考獲車牌，被問到想唔想有人送車？佢竟然回答：
怕講完會收到幾架，不過都會照收。
哈，我仲以為佢會有骨氣到拒收?。點都好，佢講得咁白，相信海綿蛋糕唔會托手踭嘅。
曾公開批評周星馳嘅王晶，日前宣傳新作《笑功震武林》時再度曲線彈對方：
他是很好的演員，很好的導演，但很不適合做朋友。
唓，正所謂人夾人緣，人哋周星馳都未必稀罕同你做朋友啫。
全站熱搜
留言列表
