close
媽咪姐
曾航生甩拖撈無綫
早排宣布同拍拖 19年女友梁安琪分手嘅曾航生（ Sam），除咗繼續自資出 Hifi碟外，近日更重返無綫，仲接拍新劇《神槍狙擊 2013》，飾演泰國毒梟，係大反派！
同高價返娘家嘅周海媚、張兆輝有好多對手戲，戲份唔輕?。早幾日阿 Sam返電視城開工，仲同媽咪姐傾咗幾句：「早排監製問我有冇興趣做呢個角色，但我同無綫冇約，好難拍。諗咗一陣，就由我經理人殺上去藝員部主動??份藝員合約，先可以做到呢個角色。畢竟我都係早期無綫嘅真正親生仔喎，唱過歌又拍過劇?。」點都好，樹大好遮蔭，搵到食就得啦！
曾航生同劇照攝影師研究造型。梗係，回歸第一炮喎，當然緊張啦！
曾航生同梁安琪分手後，女方棄政復出夾 band；男方則重返無綫拍劇。《蘋果日報》圖片
曾航生當年（ 89年）曾憑《永遠幸福》跟黎明角逐新人獎。聲勢唔錯?！可惜後勁不繼。
全站熱搜
留言列表
