close
明玩 Bosco
黃宗澤（右三）明明上台係要宣傳自己嗰套《少年神探狄仁傑》，但熒光幕竟然打出胡杏兒嗰套《紅酒俏佳人》。吖，又會咁得意嘅！
媽咪姐
黃宗澤局幫胡杏兒
上星期四（ 28日）胡杏兒去 咗上海宣傳內地電視劇《紅酒俏佳人》，同一個活動仲有舊愛黃宗澤（ Bosco）同佢嘅緋聞新歡戚薇，齊齊宣傳另一套電視劇《少年神探狄仁傑》。媽咪姐知道主辦商事前想兩位過氣情人同台宣傳，夠晒 gimmick吖嘛！
但係杏兒同 Bosco一早講明唔想同台，總之要男嘅落台，女嘅先會上台。不過，唔知有心定無意，黃宗澤喺台上時，背後竟打住杏兒主演嘅劇名《紅酒俏佳人》，直情係曲線幫前度「吸客」，呢個場面仲維持好一陣?，搞到 Bosco唔知俾咩反應好。不過一落台，佢兩個好似夾定咁，話無見過對方，又話唔會尷尬喎。據知呢 pair過氣情侶仲住埋同一間酒店，至於見唔見到面，就真係佢 哋先知嘞！
你終於做番件好事！（設計對白）
密實中又露條線嘅杏兒，同拍檔邱澤（右）孖住做訪問，只肯答有關角色嘅問題，死都唔提前度 Bosco。
咁玩我呀！（設計對白）
早前傳出 Bosco同《少》劇女主角戚薇（左）拍出愛火，眉來眼去。當事人梗係例牌否認，不過 Bosco個底咁花……
全站熱搜
留言列表
