close
入到餐廳，佘詩曼邊食邊講，愈講愈開心，隔籬郭少芸冇你咁好氣密密食。
媽咪姐
佘詩曼開心過日辰
自從無綫早排深夜播神劇《天與地》之後，媽咪姐都好耐冇喺電視機見到阿佘。其實阿佘呢排養尊處優，暫時仲未有劇拍，除咗一早接落嘅活動之外，多數會留喺香港休息。早幾日媽咪姐就見到佢喺 ifc shopping，隨行嘅仲有好姊妹郭少芸。兩個一邊行一邊傾到雞啄唔斷，入到餐廳依然繼續細聲講大聲笑。無他嘅！有緋聞情人麥子樂呵護，心情梗係靚。
戴住黑超嘅阿佘，引嚟唔少途人目光，不過途人淨係認得佘詩曼，冇人認得經常喺《愛?回家》出現嘅郭少芸喎。
兩姊妹之後去咗連卡佛行街，阿佘仲攞住電話係咁講。女人有幾長氣，大家可以從阿佘身上睇到。
忙裏偷閒，梗係開心?。（設計對白）
全站熱搜
留言列表
