雨僑長腿誘惑 教護膚
歌手雨僑近日為代言的連鎖店拍攝新一輯廣告，雖然要搽護膚品搽足十二小時拍攝，但她笑言不覺辛苦，除拿了不少護膚品回家「享用」外，她更於現場喪食壽司飯醫肚，實行「又食又拎」。
近期忙於拍攝電影的歌手雨僑（前名︰羽翹）早前抽空為代言的連鎖店屈臣氏拍攝新一輯廣告，當日她換上四個造型直踩十二小時拍攝，造型除騷腰腿外，其中一套更玩透視誘惑，tube top若隱若現非常性感。由於今次拍攝的廣告主要介紹護膚品，雨僑當日搽護膚品搽足十二小時，貪靚的她笑言搽後雖可護膚，但卻怕不斷搽會甩皮，她笑說︰「係女仔都鍾意搽護膚品，不過搽得咁多咁密都有啲怕怕，擔心會甩皮，不過做嘢唔理得咁多，工作重要啲。」
餓到爆狂吞飯
由於拍足十二小時未停過，雨僑坦言餓到爆，故當拍攝完畢後即狂掃現場的壽司，不過向來不吃生冷食物的她最後只食壽司飯，雖然只有飯落肚，但她仍非常滿足，她說︰「因為我向來都唔食生嘢，所以我只係食晒所有壽司飯，留番啲魚生畀其他人食，工作人員見到我咁做都O嘴。」
雨僑搽護膚品搽足十二小時拍攝，非常誇張。
不吃生冷食物的雨僑狂擦壽司飯，食量勁人。
唔夠瞓勤保養
此外，今次雨僑拍攝廣告除食飯食到飽外，她同樣有收穫，拿了一大堆護膚品回家慢慢「享用」，實行「又食又拎」，她說︰「都拎咗部分護膚品返去用，近期成日忙到唔夠瞓，啱晒我可以保養一下。」她又指今次的拍攝非常開心，她說︰「雖然要拍咁耐，但我反而唔覺得辛苦，真係感謝客戶支持，希望可以再拍關於護膚品廣告啦！」
文︰專案組
雨僑捱餓晒美腿壽司係咁隊
歌手雨僑（前名︰羽翹）早前為代言的連鎖店屈臣氏拍攝新一輯廣告，並以四個造型示人，其中她穿上Tube Top玩透視誘惑，又赤腳騷美腿，十分性感。拍攝當日，雨僑為廣告直踩12小時，更因餓極難當，要狂吞壽司飯醫肚，問到為何不吃魚生咁「大嘥」，雨僑笑說：「我向來都唔食生冷嘢。」
雨僑
留言列表
