上流滙
Fur聲四起
今個冬季氣溫像過山車般急升急降，女士們要保暖又怕臃腫，襯衫特別花心思。向來是 ball場必備的皮草，自然成為社交名人的 hot item，個個群毛出動。毛茸茸的圍巾、外套、長褸等，既能禦寒又不失高貴。
不過着 fur好易出事，因住着到噓聲四起。
楊千嬅 向橫發展(Bad)
Ricky評︰「千嬅件衫好難 着，令佢變得好大隻，更加突出產後未收身嘅情況。白色闊褲好出事，下身線條好粗壯，視覺好論盡。」
關心妍 雜亂古怪(Bad)
112
Mountain
Yam
Ricky評︰「 Jade件米色鳥毛好怪，有 啲似地拖，如果轉為深色，更襯呢條金 belt。加上下身 嘅 lace絲襪太多嘢，成個感覺好雜亂。」
李桂蘭 失手示範(Bad)
Ricky評︰「佢一向打扮好有品味，不過今次有 啲失手。佢件束衣有特色，腰線令佢好澎湃。出事 嘅係佢條格仔褲，如果襯黑色魚尾裙會 elegant得多。」
四太 短裙出事(Bad)
Ricky評︰「何太淺色 fur披肩好靚， match到件小鳳仙，好有新年氣氛。不過襯條傘裙就一般，加上對鞋 嘅長度好尷尬，令佢雙腳變短。如果下身襯貼身裙、褲，配高 踭鞋會好好多。」
打底要貼
與樂基兒等藝人合作的星級形象指導郭慶彬（ Ricky Kwok），曾被邀到巴黎時裝周欣賞 Chanel、 Valentino等大牌時裝騷。
今季秋冬又再掀起 fur潮， Hermè s、 Fendi等大牌亦推出毛毛產品。 Ricky指︰「 Fur容易令人感覺笨重，切忌揀淺色，打底就要有咁貼得咁貼，以深色為主。長毛 fur就唔好揀長身打底款式，唔係就會變猩猩、熊貓咁。如果唔想變得大隻，最穩陣就揀背心同披肩。」
潮藍大熱
鄺美雲 性感誘人(Good)
Dorian
Ho
Ricky評︰「 Cally以 fur襯短裙，下面騷到長腿，好誘人，帶出性感味道。彩藍 open toe高踭鞋好有特色，同藍色 fur上下呼應，令成個感覺更 trendy。」
林燕妮 貴氣大方(Good)
Sorbara for
Neiman
Marcus
Ricky評︰「一貫名媛打扮，感覺高貴，襯咁大件 嘅 fur好 啱佢身份、年齡。如果下身襯對貼身皮 boots會更 match，依家對毛毛鞋多 咗少少。」
汪圓圓 視覺突出(Good)
Andy
Wong
Ricky評︰「圓圓件背心 fur好靚，全身襯黑色可以突出件 fur，係好聰明 嘅配搭。不過佢個髮型太蓬鬆，如果束條馬尾，會更 sharp醒。」
諸葛紫岐 上重下輕(Bad)
Dorian
Ho
Ricky評︰「 Marie個打扮好穩陣，不過件 fur比較大，加番條 belt束住就冇咁大隻，比例會修正。因為上身已經較臃腫，下身襯 boots會比涼鞋更好。」 
留言列表
