靠晒你哋嘞！（設計對白）
林文龍同 John哥以前都係無綫人，依家又齊齊撐王維基，坐埋一條船，特別好傾！
媽咪姐
王維基 林文龍互撐
無綫同亞視連環出招，力阻香港電視攞免費電視台牌照，不過被追擊嘅王維基一於少理，繼續拍劇，繼續燒銀紙。
就好似上星期咁，拍咗個幾月嘅《三面形醫》終於煞科。王維基為答謝台前幕後員工，喺佐敦「北斗記」擺咗 12圍，又燒 10萬嘞！身為老闆嘅佢，由頭坐到尾，一見到 John哥（姜大衞），仲連 櫈都幫佢老人家拉埋。王生𠱁得班演員咁開心，唔怪得傷咗腳嘅林文龍，撐住枴杖都要嚟撐場！同場媽咪姐仲見到盛品儒嘅緋聞女友陳霽平，不過王維基冇因為呢排電視台風波而封殺佢，影大合照時又安排佢坐第一行，相反陳霽平個樣好似好尷尬囉。
林文龍腳傷未好，都撐住枴杖嚟支持老細。啱嘅，受人錢財，梗要做到最好！
咪講笑，陳霽平被安排坐 John哥隔籬，王維基都真係幾睇重佢。好心亞視就學吓人哋咁大方，咪吓吓話炒人啦！
全站熱搜
留言列表
