close
其實襯條紫色內膽比較 啱 tone，但薛凱琪選擇著「小白」，俾大家一覽無遺。
同你吟一吟
陳豪薛凱琪我最喜愛男女歌手
樂壇第二張成績表，「 2012年度叱咤樂壇流行榜頒獎典禮」上個禮拜二晚（一月一日）派發，最出人意表嘅，當然係《年少無知》大比數揮低陳奕迅 嘅《重口味》，攞「我最喜愛的歌曲」。
林保怡封咪多時，陳豪黃德斌從來唔係唱家班，三兄弟上台攞獎都覺得唔好意思。鍾意唔鍾意好講個人口味，如果俾八珍話事，當晚「我最喜愛女歌手」呢個獎，肯定頒俾薛凱琪。透視窄身裙，入面襯條白底褲，褲形由剪裁以至花紋圖案，全部睇得通望得透，但又唔覺得佢 cheap，我最喜愛，實至名歸！
至於「我最喜愛男歌手」，我俾陳豪，當晚慶功宴，成班商台 DJ圍住佢影相，尤其小儀，狼到當 咗自己係陳茵媺，攬實唔放。
輪到「我最喜愛組合」，就係敢認（拍拖）唔敢影（合照） 嘅容祖兒、劉浩龍。男友攞到叱咤十大歌曲， Joey繼續霸住「叱咤女歌手金獎」，兩個 响慶功避無可避，自從公開戀情後，第一次大方企定定合照，咁咪好囉！
薛凱琪滿約華納過檔做 咗「太陽娛樂」一姐後，就攞到「叱咤女歌手銀獎」，佢 响慶功宴見番華納唱片班宣傳部舊戰友，激動到係咁喊。
小儀一個飛身撲埋去攬實陳豪唔放，其他 DJ即刻起哄，黃德斌只能靠邊站。
容祖兒行路唔帶眼，唔知男友企 咗 响前面，助手想拉佢走又 嚟唔切，最後 Joey做主動，行埋劉浩龍身邊大方合照。
咩事呀？（設計對白）
等你埋位呀 honey！（設計對白）
全站熱搜
留言列表
