close
由金亞中同池城合演嘅《我愛瘋 sex》,已於 12月頭在韓國上畫,至今入場人數已超過 150萬人次,成績唔錯。已年屆 30歲的金亞中,依然騷美腿演出,同 6年前《醜女大翻身》一樣咁索。
韓面
《醜女》大翻紅 金亞中 Phone Sex 19禁
2013年01月02日 ~~ 第293期 Face
韓國喜劇天后金亞中,自 06年一套《醜女大翻身》笑爆全亞洲之後,一直冇乜搞作,足足沉寂 6年。
好彩金亞中今年終於重炮回歸,拍住韓國實力男星池城一齊演全新喜劇《我愛瘋 Sex》。戲中金亞中唔只勁騷身材,還同男主角池城玩 phone sex,加上一大堆性幻想情節,意識大膽、場面爆笑。唔怪得被韓國評為「 19禁」電影,兒童不宜啦!
06年,金亞中唔只憑《醜女大翻身》一片一炮而紅,更攞多個影后獎,但此戲之後便冇代表作。
剛於 12月頭已於韓國上畫的《我愛瘋 Sex》,講金亞中飾演嘅中女允貞試圖挽救感情,為咗令男友開心,嘗試玩 phone sex增加性趣,點知一次意外地打畀池城飾演嘅陌生男賢勝,繼而由 phone sex拍檔發展成情侶。
玩性幻想
《我愛瘋 Sex》一片,以 phone sex做題材,戲中男女主角池城及金亞中唔只上演火辣床戲,而雙方玩 phone sex時更加插多個性幻想場面,由於意識大膽,此片被韓國官方列為「 19禁」(即 19歲以下人士禁止觀看)。
對於拍床戲,金亞中表示冇尷尬:「其實拍床戲我冇壓力,因為呢個係構成整部戲嘅一個重要部分,預咗要演,所以冇特別多想。」但講到要扮性幻想,金亞中就話:「比起床戲,拍性幻想場面令我更累,我腦海裏準備好多即興表演,所以都好花精神。」
被女飛
套戲一開始,男主角池城(紅圈)慘被拍拖 7年嘅女朋友飛,搵朋友去酒吧傾訴時,更忍唔住火起,當場反枱,嚇死身邊朋友。
被仔激
另一邊,金亞中得知男友出外鬼混,諗住搵對方講數,點知男友死口唔認,激到金亞中喺餐廳失控大鬧,醜態盡現。
露 bra色誘
金亞中自知同男友感情轉淡,為刺激男友性慾,專登谷胸露 bra玩色誘,為男友乜都肯做。
攞埋碩士
已經 30歲的金亞中自 6年前憑《醜女大翻身》,由肥妹演到索女,將人氣推到頂點,但之後因減產,搞到冇晒聲氣。唔好以為金亞中唔想做,其實佢不知鬼咁上進,本身已擁有韓國著名學府同德女子大學公演藝術系學位的她,於 09年再考上高麗大學言論大學院放送映像學系,前年還取得碩士學位。金亞中唔只有身材有演技,仲好有智慧,抵佢紅嘅。
玩錯摸
為增性趣,金亞中仲嘗試玩 phone sex,點知打錯畀陌生人池城,不過金亞中仍好投入,一路浸浴一路挑情,搞到對家池城極度興奮。
Phone中情
玩 phone sex玩出真感情,最後金亞中同池城由虛擬性伴變成真波友,接吻時仲好投入。
《我愛瘋 Sex》
上映日期: 2月(暫定)
全站熱搜
留言列表