close
金融市場，靚女始終有一定着數，特別競爭激烈嘅窩輪界，唔少輪商為爭取曝光，都會請啲具知名度嘅新聞靚女主播，幫公司做宣傳推廣，好似前無綫小花趙海珠，now主播林燕玲同葉文炘咁。
不過，呢啲靚女始終熟口熟面，欠缺新鮮感，有啲公司就發掘新人，務求可以令市場眼睛一亮。近日荷合銀行股票衍生部有個助理董事，被市場傳為金融界模，消息喺行內瘋傳，好多人都想見吓佢嘅廬山真面目。
陳佩雯幅相化行妝，眼大大面尖尖，睇落成個模。
一言素來鍾意睇靚女，於是四處張羅，終於攞到靚女幅玉照。驟眼睇，相入面位靚女確有啲似時下o靚模，眼大大，面尖尖，仲「化行妝」，至於有冇戴咗大眼仔同執過幅相就唔知，但肯定跟金融界嚴肅形象好唔同，屬一大突破。
聽啲老友講，靚女名叫陳佩雯，英文名Fiona，畢業於美國Preston University工商管理系。 Fiona加入荷合已經近四年，之前喺金融市場部做行政工作，後來調去衍生部門；可能公司都認為，唔好嘥咗佢個靚樣，於是將佢調去做窩輪。
前新聞主播趙海珠（右）及林燕玲（左），先後離開新聞界，齊齊做咗窩輪代言人。
全站熱搜
留言列表
