close
揞名爆
「名物」捐錢走數
電視台高層「名物」出鏡率真係好高，三頭兩日就出嚟講吓嘢，雖然講嘅嘢從來無乜 point，勝在個款都好似謙謙君子嘅。不過，有幕後二五爆料，話佢有次應承幫某慈善活動買枱，盛惠 8萬蚊啫！對佢嘅身份嚟講，唔係貴吖。「名物」仲同主辦單位講，會好快俾 cheque或者直接過數㖭。好啦，咁人哋等呀等，等到個活動就快舉行嘞，都唔見佢俾錢喎！惟有打俾佢，諗住問吓發生乜事啦？噢，打咗成十次，「名物」都唔聽電話，但又明明見佢出席公開活動，得閒又上微博同啲靚女互相溝通吓㖭！
聽到呢度，大家做咗咁多年人，都知乜事啦。媽咪姐淨係諗到 4隻字啫，斯文敗類。 
全站熱搜
留言列表
