兩年多前，梁佩瑚 喺大陸睇中呢張民族味濃 嘅梳化。梳化只係布製，但都要成萬多元人仔。「我鍾意張梳化好似細個 啲 孭帶，好親切好有童真。」
星悅居
梁佩瑚 自製典雅
89年港姐季軍梁佩瑚（ Isabel）， 01年晉身作家行列，兩年多前她更從加拿大回流，一擲百多萬買入元朗一個七百多呎村屋單位，自家建「宅女之家」。
她笑說：「間屋裝修用 咗 50萬，我 啲朋友都鬧我黐線，話妹仔大過主人婆。」別人笑我太瘋癲，一次任性為梁佩瑚換來一屋心水玩物。玩物不喪志，屋內的油畫、字畫、仿古家具及水晶燈，組成了一個典雅的私人空間。
梁佩瑚家居
梁佩瑚 8歲開始學鋼琴，考獲 8級資格。「依家有心情至會彈吓電子琴，有時會同細佬焯皓（右） jam吓歌。」不同的鴨仔，在她家隨處可見，都是朋友所贈。
以往在加拿大，梁佩瑚與父親同住，亦曾經和前男友同居，但未試過幫香閨扮靚。現居的元朗村屋雖然都是細佬焯皓替她物色，兩姐弟同住元朗有個照應，同時她亦真正有「自己的家」感覺。
「以前同老竇住會考慮佢所需，同男朋友住亦以佢為先，唔可以整到間屋太女性化。我依家一個人獨霸成間屋。我鍾意多花、畫同蝴蝶，一睇就知係女人屋！」梁佩瑚說。
畫畫引誘朋友
在朋友眼中，梁佩瑚是宅女一名。由 01年開始寫小說計起，現時她的作品已經逾 50本。她趕稿時足不出戶，朋友取笑她，更送她「宅女」門牌贈興。「唔使趕稿 嘅時候，我都會約朋友食飯、打波 嘅。但係趕出書時，我真係會好深閨，唔會出街，因為屋企已經好多 嘢玩。」
她所指的「好多 嘢玩」，是指水墨畫、書法、鋼琴，甚至小說及藝術雜誌等，都是充滿書卷味的玩意。「我習慣每日會抄心經一次，抄 咗會令人心境平靜。水墨畫有心情就畫，我試過忽然間好想食大閘蟹，於是即刻畫一幅 send俾朋友，引吓佢，然後再約朋友一齊食蟹。」梁佩瑚說。
梁佩瑚學咗短短一年多水墨畫，已經畫得唔錯，「我之前喺大陸學，冬天去比較好，夏天冇冷氣。去去吓，開始懶咗少去，之後喺香港搵到個老師繼續學。」
全靠呢幅蟹畫畫得生動，得梁佩瑚的朋友和她飯局。
呢幅放喺大廳嘅雨中漫步油畫，據講仲有「三兄弟」。「呢幅畫一系列有四幅。第一幅係近景 啲冇人 嘅，第二幅得一個人，而第三幅就係呢幅。我仲買 咗第四幅，內容係一對情侶過馬路。」
「我想啲蝴蝶好似喺花度飛出嚟，我行街見到呢幅玻璃畫，覺得啱晒心水，咪買返屋企囉。」
放置在大門後的宅女門牌，係朋友送贈。「有次我同朋友去北京旅行，朋友就買 咗個牌俾我。其實我趕書至會深閨，唔趕我都會約朋友食飯、打波。」
這個價值萬多元人仔 嘅水晶大吊燈，係梁佩瑚從國內買回來，再交由細佬焯皓組件砌成，放在飯 枱上方作照明之用。
這幅字購自麗江，寫的是集合拼音和象形的巴東文字。「我屋企好多字畫，但係冇一幅我唔識讀，唯獨係呢幅字畫我唔識讀。」答案係「上善若水，厚德載物」！
在大廳同睡房 嘅財位都放上聚寶盆聚財，「我之前以為聚寶盆係搵個香爐擺 啲錢入去，其實係錯 㗎！聚寶盆係要有蓋、有匙，唔係 啲財會走。」
唔聽風水師話
雖然梁佩瑚身處宅女之家，但她性格爽朗好動又好靜，身邊不乏裙下之臣，就連風水師傅都叫她不用擺桃花陣。
「我搵 咗個加拿大好出名 嘅師傅幫我睇風水，佢幫我擺好財位、化是非，但就硬係唔幫我布陣催桃花，又唔俾我 喺間屋擺粉紅晶，就連睡房幅牆都唔可以用我最愛 嘅粉紅色，話我桃花多會亂喎。我問佢，我嫁唔出咁點算先？」
不過梁佩瑚對師傅的忠告，都只是選擇性收聽。例如睡房幅牆唔髹得粉紅色，但梁佩瑚竟然用上粉紅色牀單，廚房同洗手間四壁亦都髹上粉紅色，梁佩瑚都認真大膽！
4呎 嘅雙人牀鋪上粉紅色牀單，牀邊呢張港姐巨型大相，跟 咗梁佩瑚好多年。至於手上的布公仔，她說：「兔旺我，呢兩隻兔仔一個叫藍拔，一個叫紅拔，我啲 friend就問我係咪 stupid，激死人！」
呢個梳妝枱係梁佩瑚最近添置：「我第一張梳妝枱係阿 嫲送；第二張係以前男朋友 嘅阿媽送；第三張等 咗十幾年都冇人送，咪自己買番俾自己囉。」
梁佩瑚話四個大衣櫃都唔夠位放衫，「我已經送 咗好多衫俾人，每一季都裝滿四個紅白藍袋，通常我都係唔要個 top，下身 嘅牛仔褲會 keep番。」
身為作家，梁佩瑚除了儲起自己的小說，還習慣睇亦舒小說、歷史書及字典當參考材料。
女人梗要有個 Hermè s看門口，梁佩瑚買咗四個 嚟襯衫。佢最鍾意嘅係呢款，市值七萬：「鍾意 H袋襟，個款唔會過時，係一個好好投資。」
無論廳、電子琴頂及廁所，梁宅都放滿鴨仔。原由是有一次，朋友問梁佩瑚叫唔叫「鴨仔」，佢話唔叫，於是朋友就開始送鴨仔俾佢做伴。
留言列表
