818 娛樂八掛大放送★

劉音 喜愛日蒲： 新八模 Toshika　操弗學 Sexy 



攝影：林德雄

現年25歲的澳洲新八模成員劉音（Toshika），在澳洲畢業後一心打算留港發展，不過在今年暑假推出寫真後，發覺理想和現實原來分別很大，她說：「本來我有信心留喺香港發展，不過暑假宣傳完寫真，發覺香港市場競爭好大，最初我對自己有信心，但見過其他模特兒後，覺得自己仲有好多嘢可以學，有好大嘅進步空間。」Toshika更直言：「喺澳洲個個都咁上下，點知返咗嚟香港，覺得自己仲係差咗少少，應該要再fit啲，而且要練習點樣對住鏡頭。」

年輕博一鋪

Toshika在澳州一直做平面模特兒，影過很多相，但她說：「我以前多數影婚紗相，通常感覺係要好溫馨、好sweet，但係喺香港啱啱相反，好多時要sexy啲，感覺好唔一樣。」幸好得到家人支持，令她可專心發展演藝事業，她說：「佢哋話趁年輕博一博，想做咪盡量做，睇吓自己可以行到邊一步，最緊要係自己開心，唔好等到將來嚟後悔。」
採訪：何慧斯

Profile

姓名：劉音（Toshika）
年齡：25歲
三圍：33B、25、36
簡介：18歲入行在澳洲做模特兒，今年加入澳洲新八模並攻港推出寫真，有意加入娛樂圈發展。