close
一向瘦蜢蜢 嘅孫燕姿，冇人諗過佢會生個 7磅半巨 B，朋友送上大堆 S碼尿片已經唔 啱著，要著 M碼。
國台扮
孫燕姿冇人奶
剛剛上個月尾 响新加坡誕下 7磅半麟兒 嘅孫燕姿，忍足 20幾小時陣痛，用自然分娩方式生仔，一個字，堅！
生完冇幾耐，孫燕姿話個肚仲係脹卜卜，感覺似未「卸貨」，不過身體就復元得好快，因為佢依足新加坡安胎風俗，但凡手手腳腳掂過水，都會用棉花，濕少少米酒搽關節位，避免身體受寒，佢話呢個古方真係 work，此外仲日日飲法國廊酒 DOM燉雞湯，可以補氣血，飲完之後手手腳腳唔再凍冰冰，好神奇。
雖然身體逐漸康復，不過孫燕姿原來唔夠人奶，家陣要奶粉人奶兩溝俾仔仔飲，嗯……其實……本來就冇 㗎啦！
生之前孫燕姿叫 fans幫 BB改乳名，最後決定叫「納小子」，日前兩母子發布手牽手相片，佢話「納小子」暫時個樣似佢，頭髮就似爸爸咁
濃密。
一早已經布置定 BB房，迎接小生命來臨，孫燕姿呢段時間可以專心湊仔坐月，因為最快都要明年 3月先會復出。
全站熱搜
留言列表
