close
選擇 organic嘅 oatmeal，仲要加埋亞麻籽，健康到暈，加碼劉美君確有此需要。
食呢啲唔肥啩！（設計想法）
同你吟一吟
吹脹劉美君 一發不可收拾
今時今日，婚姻唔再一生一世，屢敗屢戰嘅，大有人在，好似嫁四次都離婚嘅張天愛，至於十八歲就嫁俾前邵氏導演黃泰萊嘅早婚劉美君，第一段婚姻維持十年，之後再婚，仲快手，七年玩完。
自認戀愛大過天嘅劉美君，好快就同現任男友、德日混血兒 Steve撻着，拍拖三年幾，仲係咁痴纏，七月出完 Hi-Fi碟，馬上請假同男友度假周圍玩，包括返美國飲新抱茶。
上星期二（十月十六日），放假三個月嘅劉美君同男友攬腰拖手行超市，喺銅鑼灣時代廣場 citysuper補貨，由食到用，兩袋走。
四十七歲打扮一副戰鬥格，放假三個月，劉美君長咗唔少肥肉，由手臂到大髀到個躉，實力雄厚！
雖則男友唔嫌你肥，但都係注意吓好，情況已經一發不可收拾！
揀洗頭水，劉美君挨住男友有商有量。
等車到，劉美君走入護膚品店試 cream打發時間，搽完走人。
一馬當先行去上車，男友 Steve做咕喱跟後。
全站熱搜
留言列表
