close
同你吟一吟
吳鎮宇戴 36萬貴錶拍劇
無 綫新劇《衝上雲霄 2》日日趕工，由朝拍到晚，開工時間長，要搵娛樂放鬆心情其實都有辦法，最佳人辦由吳鎮宇示範。
上個禮拜二（十月十六日）吳震宇同胡杏兒一齊喺機場大樓天台開工，等工作人員 set機，吳鎮宇悶到慌，見場現咁好風，於是攞住把私家防反縮骨遮，測驗擋風反骨效果，花 咗九百幾蚊入貨，實驗證明冇買錯。
傳聞吳鎮宇收八萬一集拍《衝 2》，九百幾蚊一把防反遮，等同八珍買條雪條過吓口癮一樣普通，但影帝仲有額外着數，據聞兩大名錶品牌 IWC以及積家錶，爭住要俾錶佢戴，最後積家爭贏成為《衝 2》植入廣告， IWC執番個桔，遲吓會安排吳鎮宇出席品牌活動。
十年冇拍無 綫劇，吳鎮宇把口話冇乜點加價，同賭波賠率差不多，一點幾上落，其實不知幾好執！無
玩完遮，仲有工作人員請食橡皮軟糖，而吳鎮宇手上戴住隻價值三十六萬 嘅積家錶，係佢《衝 2》角色 嘅指定植入廣告。
等埋位冇 嘢做，吳鎮宇攞住把防反縮骨遮試風，就算把遮反起咗，只要用力一 chok，就會打回原形，佢不知玩得幾咁開心。
視后即係視后，胡杏兒埋位根本唔使睇劇本，唔似吳卓羲，要臨急抱佛腳，仲要胡視后幫佢整衫領。
連續兩輯《衝上雲霄》都有份合作，當年胡杏兒仲係新人，加陣已經升格做視后，同吳鎮宇一齊對稿，一齊有專人擔遮擋太陽！
全站熱搜
留言列表
