close
FBI
筍盤煎 pang殺盡老中青
陳展鵬被捧為一線小生後劇集一套接一套，呢輪少見佢蒲頭，皆因煎 pang又忙住拍新劇《心路 GPS》。
陳展鵬上咗位，又難得冇乜緋聞，形象健康，所以最近就被封「無綫第二筍盤」。上週三（ 5日） FBI八到「第二筍盤」喺九龍城拍外景，即刻去探吓班啦！呢日見佢同飾演佢媽咪嘅司棋姐好溫情咁拖手過馬路，拍咗幾個 shot就搞掂，其間兩人有講有笑，似十足真母子，好戲又好仔，唔怪得無論咩年紀嘅女人都咁 like煎 pang啦！
司棋姐同煎 pang兩人有講有笑，似乎司棋姐都好 like煎 pang，呢個師奶殺手果然名不虛傳。
勁好禮
人有三急，煎 pang急起上嚟去咗就近茶餐廳方便，走嗰陣仲再三同餐廳伙記講「唔該」添！禮貌程度拍得住陳豪！
喺 TVB公司車中發現有份拍《心》劇嘅簡慕華，不過佢全程喺車入面同啲工作人員吹水、歎冷氣，好 hea啫！
全站熱搜
留言列表
