close
國台扮
奧運金牌女神 冧陳冠希羅志祥 何姿最 like大隻仔
今屆奧運，靚仔靚女特別多，淨係一個德國體操王子 Marcel Nguyen，已經塞爆我個 facebook！
好在中國隊都唔輸蝕，被譽為郭晶晶接班人 嘅跳水新星何姿，拍住大師姐吳敏霞，攞到女子雙人 3米板奧運金牌。
就快 22歲，何姿愈跳愈好，仲愈大愈靚女，被內地電車男封為「翻版廣末涼子」，有金牌有美貌，身為韓國型男 Rain忠實 fans嘅何姿，開到口搵男友靚仔大隻優先，所以何姿 响微博一早就關注 咗陳冠希同羅志祥，唔壞唔愛！
金牌明星
與吳敏霞成為中國跳水孖寶，何姿更天生明星相，上妝後成個索晒，絕對有機會步師姐伏明霞、郭晶晶後塵，嫁個有錢人做少奶奶。
愈壞愈愛
何姿曾公開擇偶條件：「男朋友可以不用像 Rain那麼帥，然而身材要好一點，穿衣服會很好看！」大隻靚仔著衫要好睇，所以佢微博一早就關注 咗陳冠希羅志祥，情迷健碩溝女王。
何姿知多啲
中文名：何姿
出生日期： 1990年 12月 11日
身高/體重： 158cm/ 51kg
籍貫：廣西南寧市
背景： 4歲喪母， 6歲被南寧體校睇中開始學跳水，之後加入清華跳水隊，師承伏明霞、郭晶晶教練于芬。 2006年 10月正式成為國家跳水隊成員，更在 2012年倫敦奧運中，與吳敏霞在雙人 3米板比賽中獲得奧運金牌。
翻版廣末
何姿樣貌清純，國產電車男讚佢激似廣末涼子，亦有人覺得佢似熱爆劇《甄嬛傳》入面，華妃身邊 嘅婢女頌芝。
進化索女
18歲未必一定卜卜趣，何姿當年油光滿面成面青春痘，邊會估到佢愈大愈索！
自小喪母兼家貧，何姿爸爸何常泰一直父兼母職照顧佢同細佬何彬，捱到而家終於見到個女有好成績，所以何姿最大心願除 咗攞金牌，希望將來有本事買層樓送俾老豆！
拜見大師姐
2000年，當時只有 10歲 嘅小何姿加入 咗清華跳水隊，接受金牌教練于芬（右一）特訓，更有機會見到當年準備參加埋悉尼奧運就退役 嘅大師姐伏明霞。
全站熱搜
留言列表
