close
兄弟，企硬呀！（設計對白）
○三年出街嘅《衝上雲霄》，吳鎮宇阿 Sam角色大受歡迎，加埋張智霖呢個師奶殺手，《衝上Ⅱ》要靠兩外援，無綫不可不等。
同你吟一吟
Chilam鎮宇講掂數
冇橋！ TVB不停反芻收視劇，事隔九年，開拍《衝上雲霄Ⅱ》，吳鎮宇、吳卓羲繼續做番兩兄弟，胡杏兒一人分飾兩角，舊加新！
舊年十月已經話要開，但國泰航空唔玩，窒住咗！最後改由香港航空做贊助，點知 Sam哥鎮宇要同周潤發拍咗套《大上海》先，否則寧願唔接，大婆等仔，押後到今個月尾先開得。
其實 TVB要等嘅唔單止鎮宇，張智霖都係一樣，講明回巢拍劇係俾面梁家樹嘅 Chilam都係還完片債，再推咗個內地劇歸位。二五仲話兩位外援其實一早講掂數，你接我接，你唔接我都唔接！
重頭劇要有人孭飛，自己班「親生仔女」唔成氣候， TVB有乜辦法唔扮矮仔。
國泰唔玩，《衝上Ⅱ》改由香港航空做贊助。
有指當自己係阿姐嘅陳法拉對喺《衝上Ⅱ》角色有唔少意見，法拉姐肯食江美儀啲糖，真俾面。
全站熱搜
留言列表
