close
話我係 13姨好過啦！（設計對白）
孝琳出道以嚟，一直都係靠劉海造型遮掩「黃飛鴻」式額頭。
出外埠
孝琳變女版黃飛鴻
韓國當紅女子組合 SISTAR嘅主音孝琳，歌精舞勁，所以有「韓國 Beyonce」美譽。但人原來真係冇十全十美 㗎！話說佢 喺 13號演出 MBC皇牌綜藝節目《 RADIO STAR》（明星廣播）時，當主持之一、 Superjunior嘅圭賢突然講咗「黃飛鴻」三個字，孝琳即時變得敏感，仲表示強烈不滿。咦，黃飛鴻同佢有關係咩？關係就冇，不過係崩口人忌崩口碗 啫！
原來孝琳有個非常寬闊、大於常人 嘅額頭，如果擸高 啲頭髮，就同李連杰飾演 嘅黃飛鴻造型好相似，於是俾 啲傳媒幫佢起 咗「黃飛鴻」呢個外號。所以佢忍唔住 喺節目度大聲疾呼話一定要去「改頭換面」，搣甩「女版黃飛鴻」外號。噢，韓國 啲整形聖手又有生意上門咯﹗
孝琳一聽到「黃飛鴻」三個字，當場反應極大，仲擸起頭髮話自己額頭唔算好闊大喎。
圭賢睇住孝琳跟李連杰嘅黃飛鴻造型比拼（下圖）時，笑到眼都冇埋。
全站熱搜
留言列表
