close
我慢慢會執番正㗎啦！﹙設計對白﹚
江欣慈呢身打扮，十足十強國嗰啲暴發阿姐咁款。
媽咪姐
江欣慈開口復出
久違了 嘅江欣慈，近年全力打理家族 嘅糖果生意，亦有傳釣咗金龜，所以對娛樂圈無眷戀。但最近佢突然頻頻出現，日前就由姐夫吳積遜陪同出席友人婚宴，之後又出席活動，仲主動同記者報料，話有意復出拍劇，擺明撈。
不過如果佢真係想再戰娛圈，就真係要好努力去執執！就當晚見佢個娘爆打扮，金色 tube top襯螢光粉紅裙，配個九唔搭八 嘅閃片頭箍，已經幾趕客；再孭個唔襯 嘅手袋，用騎呢形容都不為過。依家娛樂圈後生又搏 嘅大有人在，江欣慈年紀都唔細，要返出 嚟同班後生爭，真係要諗清楚嘞！
除咗打扮外，連個 body都唔掂。早前佢去買書，巨躉現晒形，擺明日久失修啦。奉勸江欣慈，若真係想出番嚟嘅話，要搞掂個門面先有得傾。
全站熱搜
留言列表
