全裸賣肉
為了於寫真戰中殺出重圍， Mia將會有全裸相收錄寫真內，真正係賣肉養家。
滾熱辣
前夫奪命 call借錢 模媽 Mia寫真賣肉養家
今年有份參與寫真戰的模媽 Mia（陳靜儀），為了在一眾拋胸「乳模」中殺出重圍，書中將會全裸上陣，底線擺明有咁低得咁低。她有份擔正的電影《喜愛夜蒲 2》將緊接上映，加上做 DJ夜場走埠打碟，表面看似搵唔少。
不過去年經歷父親癌症過身的她，除了要將父親醫藥費攬上身，一對仔女亦要供書教學，收入實則月月清。本刊收到消息， Mia近日多次收到前夫索錢電話和 whatsapp。為避前夫， Mia更要多次搬屋，為此她發火說：「佢隔冇耐就問我攞錢，有頭髮邊個想做癩痢，真係剝埋都唔夠俾佢。」
老竇過身失支柱 MIA賣肉養全家
與前夫育有一子一女的 Mia，離婚後主動要求撫養權，從此踏上難行的單親媽媽路。
現年 22歲的模媽 Mia，自與前夫離婚後，一對年幼子女的撫養權歸她所有。分開至今三年多，雙方一直冇聯絡，今次 Mia前夫忽然蒲頭，目的就為借錢。為避前夫， Mia至今已搬家 2、 3次。
前夫度水短訊
從 Mia前夫的度水短訊中，看到對方終日遊手好閒，以碌卡度日，搞唔掂條數再軟硬兼施向 Mia要錢。至於短訊中前夫說已有新工作， Mia沒好氣說：「佢成日話搵工，結果全部冇下文。」
前後借近十萬
驚有人帶走仔女
剝埋都唔夠俾佢（真實對白）
周二（ 26日） Mia接受記者訪問時，每當說到前夫不斷借錢和擔心一對子女被騷擾時， Mia隨即皺眉頭扯火。
以往 Mia死慳死抵借錢給對方，原來她曾遇過一次恐怖經歷，「其實做唔到夫妻唔緊要，只要佢錫對仔女就算，但係佢試過冇通知我， 喺幼稚園接走對仔女，全日 call極唔覆，我 嗰次真係好驚，唔知佢會點對兩個細路。」因此 Mia擔心拒絕借錢後會歷史重演，明知啲錢一去無回頭，但她每次對前夫苛索仍有求必應。
可是，自從去年 Mia爸爸患癌後，她向公司借了一大筆錢作為醫藥費，直至現在仍要還錢。而娘家家中頓失經濟支柱，已出身的 Mia亦要頂硬上賺錢養家。「我有兩個細路要養，又要俾家用阿媽，依家仲還緊錢俾公司。我銀行戶口都係得幾萬蚊，你話借幾千蚊我都算啦，不過一次過我點借五萬俾佢呀。佢仲以為我搵埋大把，如果佢仲當自己係兩個細路 嘅爸爸，唔該佢生性 啲啦，真係剝埋都唔夠俾佢（前夫），我真係無能為力啦！」
志在搵快錢
細路開支大
Mia大女 4歲細仔 1歲，幼稚園學費加上搵人湊小朋友，每月使費一萬，對單親 Mia來說，絕對有壓力。
Mia父親去年患上癌症， Mia曾問公司借錢用作醫療費，及後父親過身，她亦要擔起頭家。上周二（ 19日）本刊便拍到她和家人到沙田拜祭亡父。
跟富二代傳緋聞
過去 Mia曾跟不少富二代傳緋聞，可惜最終亦因其身世遭對方家長嫌棄，戀情無疾而終。
剝衫搵快錢
去年停工的 Mia，年初復出後，即唔錫身搏命接 job搵錢，隨住衣服愈脫愈多，收入亦愈搵愈多，不過扣除公司五成佣金和償還父親醫藥費，雖然半年搵到 90萬，但七除八扣後，實則所剩無幾。
留言列表
