close
新秀唱功勁阿 Sa尷尬做評審
蔡卓妍（阿 Sa）、方大同、藍奕邦、張智成等，前晚到將軍澳電視廣播城為無綫《 2011年度 TVB全球華人新秀歌唱大賽》任評判，但 Twins嘅唱功經常俾人批評麻麻地，有記者反問阿 Sa，有冇奇怪人哋點解會搵你做評判？阿 Sa個樣好尷尬，助手即刻擋駕話：「今次五位評判分別代表唔同地區，阿 Sa喺加拿大出世，屬加拿大評判代表。」好彩今次阿 Sa獻唱《愛贏才會拼》時，冇走音、冇甩 beat，都算冇喺班新秀面前出醜。
澳洲代表摘冠 放大圖片 
澳洲代表利健森（中）奪冠，亞軍同季軍係新加坡嘅蔡艾珈（左）同香港嘅廖仲謙。
正所謂唔係猛龍唔過江，今屆超級巨聲冠軍廖仲謙代表香港出戰，最後只係得季軍，冠軍同亞軍分別來自澳洲、現年 19歲嘅利健森，同來自新加坡、現年 17歲嘅蔡艾珈。
放大圖片 
林欣彤（右）同最後四強 PK對唱，佢話唔介意遇強勁對手。
亞軍唱功明顯較震撼，連林欣彤同佢對唱都話感到有壓力，欣彤賽前已經話﹕「呢個世界永遠有人叻過自己，好易遇到更強對手。」阿 Sa就避談唱功，只係話冠軍台風較出色。而攞到冠軍嘅利健森話會考慮留港發展，佢話：「有諗過呀，我仲有半年就畢業，完成埋學業先。」 
阿 Sa經常被質疑唱功麻麻，但前晚竟然擔任評判選新秀。
全站熱搜
留言列表
