傭兵天下 Online 黃玉郎揸刀撐　《傭兵》升呢免跑數 @ 818 娛樂八掛大放送★

人生如遊戲，返銀行工、從事保險業，跑數交差乃家常便飯，但返到屋企，原來開隻 Online Game嚟玩，一樣要「跑數」儲經驗值，打大佬，遲早壓力爆煲！正進行封測嘅網絡遊戲《傭兵天下 Online》，除咗遊戲主線，仲有勁多支線任務，即係話，過關爆機唔係一味儲經驗值，輕輕鬆鬆一樣掂！記者：陳國輝

跟原著發展　組隊插旗放大圖片
■黃玉郎拎住大刀撐隻 Game，剃咗二撇雞，差啲唔認得佢。

■黃玉郎拎住大刀撐隻 Game，剃咗二撇雞，差啲唔認得佢。

唔知碇嘅老友，可能以為《傭兵天下》只係個純粹遊戲名稱！如果有睇開網絡小說，應知道佢一早就紅遍中、港、台，後來更被玉皇朝睇中，仲喺去年推出港版漫畫！不過講到最多 Fans，始終係大師嘅原著最能感動人，劇情大致係話一名小角色艾米，如何憑堅定不移嘅信念，由一名小傭兵不斷往上爬，最後成為受人、神、魔三界尊崇嘅傭兵王；而遊戲內，你將會扮演一名小傭兵，並透過自己進行任務時嘅不同抉擇，嚟推動原著小說劇情發展，可以話係一邊睇一邊玩！除咗畀小說迷過「戲」癮，你仲可以約埋網友組隊，建立一支超級傭兵團！其實喺主線劇情，有部份須以傭兵團之名參與，例如圍毆 Boss、爭奪資源，或者去其他人地盤踢竇！好處唔止提升經驗值，仲可以揚名立萬，俾多啲人識你。

放大圖片
■故事講述主角艾米如何由一名小傭兵，變成人神魔三界嘅「傭兵王」。

■故事講述主角艾米如何由一名小傭兵，變成人神魔三界嘅「傭兵王」。

放大圖片
■由玉皇朝改篇嘅《傭兵天下》，造型好港式。

■由玉皇朝改篇嘅《傭兵天下》，造型好港式。

百款小遊戲救豬升級放大圖片
■女騎造型幾性感喎！

■女騎造型幾性感喎！

關於提升經驗值，剛才已經提到，《傭兵》唔似得傳統 RPG，要花成幾十粒鐘喪打嘍囉，再穿上一身銅皮鐵骨裝甲，跑數博升級！呢隻 Game設計咗過百條分支劇情，只要完成任務就獲得經驗值，最搞鬼係「任務」極盡騎呢，例如會要求你摘葡萄、採果實，甚至乎要你抱起隻豬仔一直逃亡，避開所有敵人！睇見咁多款 Mini Games，感覺又幾似 PS3嗰隻《人中之龍》。然而，兩者最大好處，係你有自由選擇玩與唔玩；相反，進入戰鬥模式之後，你幾乎係焗打，因為《傭兵》採用「移動戰鬥」系統，亦即係話，你必須邊跑邊打，唔似得傳統「打木樁式」玩法，俾你慢慢諗，再輪流出招；作為一隻 ARPG遊戲，唔使儲 LV但都算有啲難度。

放大圖片
■雙頭龍吟風係 Boss之一，造型夠嚇鬼。