close


我係扮嘢王，但冇話過識扮醉喎!（設計對白）

同陶喆傳過緋聞，早排又爆響口話3年前俾李思捷扮醉抽水嘅岑潔儀（Zoey），上個月先滿25歲，今個月初就同馬來西亞華僑商人Dixon Chan喺印尼峇里島Infinity Chapel搞咗個逾十億印尼盾（近百萬港幣）嘅豪華婚禮。Zoey咁早披嫁衣，唔係因為有咗而趕結婚，皆因佢搵到個筍盤，所以拍拖3個月就say yes做陳太囉！


唔講唔知，原來Zoey挺身爆李思捷抽水，係因為有老公大力支持，「佢覺得應該要講，因為好多女仔俾人搏咗懵都唔敢講，而且我講嘅係事實，在場好多人都見到！老公支持我咁做，仲讚我勇敢。（咁Dixon有冇問過你同陶喆嘅緋聞？）有，我咪答佢應該唔會好假囉……哈哈。」


Zoey會喺香港補擺25圍，為咗9月嘅婚宴，佢同老公仲喺峇里島拍咗條好sweet嘅片㖭，「我哋要拍一個水底kiss嘅shot，但係我唔識潛水，一跳落水，個頭就好自然咁趷起，搞到NG咗廿幾三十次！」 ####


Dixon錫Zoey錫到燶，求婚戒兩卡、結婚戒五卡，仲俾Zoey繼續拍嘢。「如果劇情需要，我會性感，老公呷醋都照做。」


搭商務客位去峇里行禮，有埋香檳蛋糕慶新婚，sweet爆！



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄