close

 

有傳屬阿姐級嘅「西人」因為另一半財政出現問題，所以要出番嚟拍劇銀。消息堅定流真係唔知，不過就知「西人」其實仲欠電視台一部劇集。聽電視台二五講：「依家拍緊嗰套《豪門貴婦》本來係預咗『西人』㗎，可能當時佢屋企未出事啩，所以寸寸貢，條件多多，規定一日開工唔超過八個鐘，又話唔拍夜班，事關一定要返屋企陪屋企人食飯咁話。


「電視台同佢拉鋸一輪後，最後都係就晒佢，最難得係連男主角『常青』都OK嘛。點知傾好晒開工之際，佢突然又話要照顧屋企人，唔拍喎！嘩，大佬呀！唔係咁玩係嘛？唔使講，監製梗係激到頭殼頂標火，用咗一連串十八個字粗口問候佢呀！又難怪嘅，正係萬事俱備，只待開機，你突然一句『唔拍』，臨急臨忙搵邊個頂喎？好彩得到『常青』出手，拉到『荷花』頂上，又難得呢位『過氣大蛇女』唔介意執二攤喎，套劇先得順利開拍咋。好啦，依家老公有事，『西人』又死死氣返轉頭，不過之前俾佢咁玩法，搞到班監製聽到佢個名都怕怕呀。」
唉，「做人要留三分地，唔好有風駛盡」，去得太盡冇彎轉㗎！ ####

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄