close
近日hit爆全城的「Draw Something」，推出一個月下載次數逾1,200萬，不但成為財經界熱話，就連娛樂圈的藝人都中晒毒，等埋位又畫，搭車又畫！個個變晒畢加索，大家又不妨估吓佢哋畫乜？
梁靖琪最快手
Toby求求其其畫，真係幾hea。「我自己冇時間玩呢個app，不過我知盈盈玩得好勁，成日都見佢玩。」貼題：★1/2 （5粒為最高）
張兆輝最親子
「我有同個女一齊畫畫，不過我係負責填顏色，我淨係識畫簡單嘅火柴人，其他就畫得麻麻。」貼題：★★1/2
林夏薇最沉迷
林夏薇玩一次就勁like：「其實我身邊好多朋友玩，不停咁猜猜畫畫，依家一得閒就玩，冇時停！」貼題：★★★★1/2
馬國明最新手
「我見人玩得多，今日自己就第一次畫，我喺廠見到好多女仔玩，明明兩個坐喺隔籬，都要畫完send來send去。」貼題：★★1/2
黃智雯最多色
玩了兩日的黃智雯，儲咗好多顏色。「我身邊好多人都有玩，有時啲題目好難，難到唔知點畫好，我身邊啲朋友玩到中晒毒咁。」貼題：★★★★
下載程式至智能手機，然後以facebook戶口、電郵、用戶名及random（隨機）找對手。
電腦會提供三個不同難度的題目，你揀好畫完其中一個，就可寄出給對方估，目的是要朋友估中。
不論你係畫，定係估嗰個，只要估中，雙方都可以獲得金幣。金幣可以用來買顏色，或用來買「炸彈」以炸走玩家不想畫的題目及提供貼士。
「我畫畫唔叻，不過呢個咁簡單，應該難唔到大家。我身邊好多人都玩呢個app，我自己就冇時間玩，不過見到佢哋玩，我都會幫手估下對方畫乜。」貼題：★★★★★
大隻謙咁啱同楊怡揀中同一個題目，一人畫一隻，真係心有靈犀呀！「我玩咗兩日，通常唔會揀太深嘅題目，驚人估唔到。我自己有時玩到要查字典。」貼題：★★★★★
全站熱搜
留言列表
