818 娛樂八掛大放送★

張秀文為黐鎮宇：做地勤都殺

最近憑處境劇人氣上升的前港姐張秀文，希望拍劇、主持雙線發展，務求提升知名度盡快「入屋」，更揚言要越級挑戰影帝吳鎮宇，伴他衝上雲霄！

上屆港姐亞軍張秀文（Sammi），當選之後拍劇、主持雙管齊下，希望提升知名度。對於處境劇《結‧分@謊情式》拍檔商天娥（娥姐）屢爆是非，Sammi樂觀地表示傳聞當谷「戲」：「成Team人氣氛好好，娥姐都有喺微博叫我哋留言平反！」並指與一眾前輩鬥戲獲益良多，但遺憾與不再續約無綫的娥姐少對手戲。

同時拍劇及主持《安樂蝸》的Sammi直言，喜歡拍劇多於做主持：「拍劇多啲發揮同入屋啲，有成就感！我鍾意做喜劇，但苦情戲都唔拘！（試做狐狸精？）同我個樣唔夾，一係做可愛嘅狐狸精，哈哈！（想同邊個小生合作？）鎮宇哥啦！佢喺《衝上雲霄》個飛機師頭好型，當年睇佢同陳慧珊條感情線睇得好肉緊！（想拍續集？）我都想同鎮宇哥衝上雲霄，做空姐又好，做地勤都殺啦！人生有幾何可以同影帝合作？」

校園女多男少Dry爆

除了拍劇及主持外，Sammi亦要兼顧最後1年的大學課程：「有時因為做嘢而走堂，根本冇時間Social！」加上修讀的工商管理系「陰盛陽衰」，令她Dry爆冇仔埋身。問到會否羨慕同屆冠軍陳庭欣緋聞多多？她說：「唔會，祝福佢啦！」

影視組

Sammi希望多拍劇，令更多觀眾認識自己。

笑容甜美的張秀文，感覺相當親切。

張秀文兼顧拍劇及學業，忙得不可開交！

張秀文（右）於新劇中有不少戲份，令她過足戲癮。