close
和服 look嘴木木，香香呢個日本娃娃本來都幾卡娃 E，點知成耳屎，乜胃口都冇晒。
同你吟一吟
咦！香香好 dirty！
俾高登仔封為新一代女神嘅岑麗香，上星期六（十九日）同小儀一齊出席喺尖沙咀美麗華商場舉行嘅日本旅遊節宣傳活動，冇白 tee濕身，更加冇除 bra，著住和服紮到隻 糉咁嘅香香，一樣吸引大班高矮肥瘦，樣樣有齊嘅龍友長短火招呼。
作為《國際中華小姐》同溫哥華《華姐》冠軍，香香個相頭絕對 OK，只可惜十清一濁，即刻扣晒分。
話說當日香香因為要著和服，所以專登將頭髮紮成髻露出兩隻耳仔，遠睇頂呱呱，近睇即刻要搵阿媽！
冇誇張，成隻耳裝滿耳垢，廿八歲女，點解會咁 dirty㗎！
高登女神香香蒲頭，現場龍友人數幾乎多過採訪傳媒。
全站熱搜
留言列表
