close
前輩謝月美郁手幫張可頤整咪線，貼身助手幫手整衫，一姐張可頤特別多人睇住。
同你吟一吟
張可頤正式埋位做一姐
張可頤過檔城市電訊旗下香港電視，頭炮作品三十集《客家女人》，舊年十月中喺東莞開鏡。
上星期六（一月十二日），正式埋咗位做一姐嘅張可頤，同劇中飾演佢家姐嘅劉美君，一齊喺金鐘海富中心附近拍外景，劇情講張可頤同當日有份埋位嘅謝月美（盧國雄前妻），合力拉住要衝出馬路嘅劉美君，拍咗幾個 take，導演已經收貨，跟住散得。
八珍聽過唔少而家仲喺無綫嘅幕後人讚香港電視嗰邊有士氣，唔似得無綫做三十六唔做三十六，只要王維基攞到牌，會有更多人遞信跳槽。
有競爭有進步，觀眾亦有更多選擇。八珍衷心希望，有此一日。
劉美君想衝出馬路，細妹張可頤同謝月美即刻拉住阻止，幾個 take搞掂。
劉美君同張可頤唔多交談，但對住謝月美，就笑晒攬晒。
《客家女人》拉隊去東莞拍外景，老細王維基隨隊出發，主持開鏡儀式。
全站熱搜
留言列表
