close
大胸
⑩陳超擁有 32D上圍，就算呢款泳衣冇位俾佢「僭健」，一樣漏晒！
同你吟一吟
亞姐亞男 上下失守
星期一（十一月十九日）無 綫台慶大日子，聲稱係良心電視台 嘅亞視，叫班亞姐著三點式泳裝見傳媒，贈興兼爭版位。
借佳麗賣肉製造話題，可惜泳衣冇鋼線 push up設計，想加個厚墊都唔得，搞到班亞姐要靠真材實料上陣，好在 ⑩陳超本身有 32D，唔使左攝右攝依然做到漏奶效果，仲好得戚咁話：「邊個佳麗有長腿、纖腰、豐滿上圍，都係一種優勢。」
兜個圈讚自己，反而大熱門兼觀眾網上投票三甲之一 嘅 ⑤齊真晨，表現謙虛得多，知道俾人影到泳衣墊，即刻扁晒嘴：「可能我動作太大，冇人鍾意走光。」
走光係女人大忌，但一班亞洲先生就冇乜所謂。星期日晚（十八日）決賽，大會安排一眾猛男著厚身泳褲答問題玩遊戲做動作，以為實冇走光，點知印度猛男 ③薩拉迪亞一個拗腰，褲邊三角位現黑洞，但依然救唔到良心電視台收視，得 2點咁大把！
大骨
冇胸，其實都係小問題，但千萬唔好學⑪陳瑩瑩，瘦到冇胸仲要見到成棚肋骨，好驚！
大熱
自己有份成為網上票選三甲佳麗，⑤齊真晨原本好開心，但知道走光露胸墊後，即刻扁晒嘴。
亞姐泳衣設計冇得加料，反而亞男泳褲條條脹卜卜，諗住加強保護，點知 ③薩拉迪亞一個拗腰，已經走光。
著泳褲答問題都仲可以理解，但叫班亞男著泳褲扮悉尼歌劇院，話要 嚟考驗佢 哋合作精神，但我睇唔出囉！
Anna R.被臨時拉上台，叫佢同亞男扮第一次約會做 啲乜，跳隻舞，原本好正路，最唔正路係 Anna R.明知自己著 T-back仲要戙高隻腳，睇晒！
全站熱搜
留言列表
