喊足17次 roll得一次機
梁思浩控訴被星爺玩謝 
思浩昨日重提舊事，依然激氣到眼泛淚光。
周星馳貴為香港影壇一哥，幾乎人人對他俯首稱臣，不過他出名得罪人多，梁思浩昨日接受now訪問，大爆當年拍戲曾被星爺虐待，不但問他：「死過老竇未呀？」更要他喊足17次卻只roll一次機，思浩發誓以後就算乞食，都不再拍星爺的戲。
周星馳最近被舊愛于文鳳追討7,000萬佣金，昨日梁思浩接受now的《娛樂審死官》錄影訪問踩多腳，大爆94年拍《國產凌凌漆》時被星爺虐待，他說：「98年喺無綫已經識佢，當時大家都係TVB藝員同事，我哋合作拍劇集《大都會》，佢做我哥哥，之後大家做咗朋友，佢第一架車都係我賣畀佢，大家感情幾好。」
思浩當年拍《國產凌凌漆》，星爺要他喊足17次，但除第一次外竟冇roll機。 
星爺出名脾氣差，不少台前幕後與他不咬弦。《國產凌凌漆》劇照 寧做乞兒唔再拍
94年，星爺開拍電影《國產凌凌漆》，當時思浩在天津拍劇，收到星爺劇組人員的電話，基於兩人交情，他特地返港助星爺，講明是一萬元一組戲，他說：「去到片場見到周星馳，以為我哋係好朋友，就叫佢做星仔，點知佢冇理我，工作人員話要叫佢導演，我走埋去問佢：『導演，你要我點拍呢場槍斃打靶戲？』佢好大聲答：『喊呀，你識唔識喊呀做演員？』」
當時思浩不以為意，還指自己在圈中出名喊得，星爺聞言即說：「咁勁呀！哦，好呀，家講你打靶，拍啦！」思浩再問他要點喊？星爺竟說：「死老竇呀，死過老竇未呀？死老竇咁喊俾我睇，唔使對白，1、2、3、4咁數數到100。」結果思浩喊到聲嘶力竭，怎知星爺都不收貨，還發火勁鬧：「唔得呀，我要你死老竇呀，死兩次嗰隻呀！」結果他喊足17次，由朝早10點喊到凌晨5點。
拍完後，導演李力持走過來跟思浩說：「除咗第一take外，之後都冇roll機。」思浩才知被星爺當馬騮玩，他眼泛淚光說：「雖然喊咗成晚，但收工我都喊住走，我同自己講，就算將來做乞兒，我都唔會再拍周星馳啲戲。」故幾年後有製片找他拍《食神》，思浩都寧願推掉。
撰文：丁寧
梁思浩爆料畀星爺玩謝
梁思浩昨錄影now節目《娛樂審死官》時，自爆昔日好友周星馳（星爺）邀他拍攝電影《國產凌凌漆》的經歷，豈料對方除對他呼喝外，思浩更被星爺戲弄，他哽咽道：「我第一個Shot已經喊到聲嘶力竭，一共喊咗17次。點知有人同我講除咗第一Take外，之後都無Roll機！
我同自己講過，就算將來做乞兒，我都唔會拍周星馳啲戲。」
梁思浩哭訴畀星爺玩
梁思浩昨日錄影now節目《娛樂審死官》時，大爆與周星馳的昔日恩怨！他透露當年特地由天津返港拍攝電影《國產凌凌漆》，怎料抵達現場後，星爺態度冷淡，更有人着他稱對方為「導演」。拍攝期間，他不但被星爺喝罵不懂演喊戲，更慘被玩弄，他眼濕濕說：「佢叫我好似死老竇咁喊畀佢睇，我第一個Shot已經喊到聲嘶力竭，總共喊咗17次，由朝早10點喊到凌晨5點！點知拍完之後，有人話除咗第一Take之外，其餘都冇Roll機！」他激動地揚言將來寧願做乞兒，也不會再拍周星馳的戲。
梁思浩憶述與星爺的不快事時激動得眼濕濕。
留言列表
