close

 

媽咪姐上個禮拜又同班傳媒朋友仔敍舊，大家講起「白雪雪」同「眼大大」齊齊做飲食節目，不過前者唔知係咪第一次做主持？好似無乜點講嘢，都係「眼大大」出聲多。有記者即時笑住話：「人哋好早做主持㗎！乜你唔知咩？」跟住就講起同「白雪雪」嘅一段奇緣。


話說幾年前，呢位記者喺西貢某小巴站等緊車，準備去將軍澳轉搭穿梭巴士入電視城。等等吓， 無端端有個女仔拍佢膊頭，仲問：「小巴咁耐未到， 不如我哋夾錢搭的士去將軍澳吖？」記者朋友好隨和，諗一諗就應承。喺的士上，兩個人好自然咁傾吓偈，「白雪雪」知道咗記者嘅身份，忽然興奮自爆：「其實我係明星！喺乜乜台主持節目㗎。」然後仲提議唔好去將軍澳轉車，大家直接去電視城㖭。
記者朋友聽佢咁講，呆一呆，心諗邊有人會自稱係明星㗎？而且「白雪雪」嗰時仲未拍劇，主持啲細到唔細嘅節目，真係零知名度。最搞笑嘅係，臨落車時，「白雪雪」攞個銀包出嚟，打開大嗌：「哎呀，得幾十蚊唔夠錢俾㖭！（咪錶跳到差唔多二百蚊）不如你俾張卡片我，遲啲搵你還錢吖？」
唔帶錢又走去撩人搭的士， 咁得意？最終呢位記者惟有請埋佢搭車囉。事隔幾年，記者朋友話依家見到「白雪雪」捱到喺黃金時段主持節目，都戥佢開心，但說話技巧呢，就由始至終都需要練吓囉！ ####

arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    stacylife 發表在 痞客邦 留言(0) 人氣()

    E-mail轉寄