跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
周汶錡“生命中扮靚好重要”
我一直覺得周汶錡很像一隻貓。 論證一:貪靚,小貓也注重外表,常舔身體,整理毛髮。 論證二:神經刀,去旅行飛歐洲飛泰國飛台灣話唔埋,小貓一時玩皮球一時玩繩一時玩我隻手,也是即興行事。 論證三:識歎,飲飲食食購物人生,小貓也成日霸住陽台曬太陽,唔願郁。 鐵證如一,貪靚猶甚,周小姐也自認本性難移,「扮靚砜我生命中,佔好重要位置…… 「做女人,唔好連化妝都唔記得。」 富貴貓最鍾意孤芳自賞,既然愛情事業均冇得強求,做人簡單一點,扮靚一點,也未嘗唔係一件樂事。
Profile 原名:周文琪 出生日期:1974年5月20日(金牛座) 出生地:香港 身高:5呎8吋半 體重:110磅 語言:上海話、廣東話、普通話及英語。 簡歷:99年,為美國《W》雜誌拍攝時裝特輯,晉身一線名模。04年,主持旅遊資訊節目及寫書,作跨媒體發展。05年,為TVB主持飲食節目,進一步確立主持人形象。 主要作品:廣告「馬莎百貨」(12)。書籍《My Dream Wedding》(04),《台北之旅My Style Guide》(05),《香港之旅——玩味香港島》(06),《上海之旅My Style Guide》(07),《享樂 • 北京》(09)。電視主持《近廚得食》(06),《咁至識食》(09)。 微博:http://weibo.com/kathymankei
“我值70分” 我笑Kathy,生活似闊太,優哉悠哉,想點就點。「唔似,我要自己照顧自己;「(結婚的話,要老公養嗎?)我唔會話一定要你養我,共同生活,兩個人一齊承擔囉!買樓你俾完首期咪一齊供,冇所謂;「老公一個人負擔開支,唔係咁啱,自己做人會變得唔積極,譬如話,今日我俾多啲,聽日輪到你俾,一個pool,大家一齊奉獻、分享。」 追緊你呢?又點計?「追緊我就梗係要男方俾喇!否則,唔夠大方,有啲女朋友話『唔俾錢就唔係好男人,梗係窮人。』我又覺得唔係咁計,或者對方試探緊你呢?有啲男仔冇錢都要爭俾錢,又有啲男仔鍾意扮窮或扮有錢,睇人唔好睇表面。」 她曾說,以前拍拖好黐身,自從跟Julien一起,才懂得調節空間,甚至,輪到自己變得獨斷獨行了。「作為女朋友,我俾自己70分;「缺點係我太重視朋友,成日約好兩個人食餐飯,朋友一call,變成大班人聚餐,佢冇投訴,只係我內疚啫! 「佢唔識中文,跟住我哋一齊好悶。」 你也可以融入對方圈子啩?「佢啲朋友遷就我,講說話慢啲……唔係咁可以融入;「我會盡量抽時間二人世界。」
“我鍾意玩” 跟法籍男友Julien Lepeu拍拖5年,被催婚都不知多少回了,Kathy已予人跟硬佢的感覺;原來,女主角唔係咁諗。 「我冇諗過移民!我鍾意熱鬧,又鍾意去唔同地方玩,你要我去一個地方由頭開始,重頭認識一班陌生人,唔可能! 「結婚的話……唔……到時有新家庭,變成另一種生活,focus唔同,多姿多采生活相對減低……呢一步我仲未諗,未必可以囉!」 維繫一段關係,時刻將自己扮靚啲,留住男人心,也應該易啲啩!「扮靚喺我生命中,佔好重要位置;「做女人,一定要keep住外形,千祈唔好有種心態『我有仔有女又有老公鍾意,唔使再扮靚啦!』我有啲朋友甚至連點樣化妝都已經唔記得,我覺得,要堅持,呢啲係儀容、自信;「即使唔再做幕前,我唔只仍然繼續化妝,仲要自己keep住留意潮流興乜顏色,由此演變到著衫、身形,唔易keep更加要keep,我唔會放棄。」差點沒豎起3隻手指立下誓言! 「不過有啲人成日唔敢笑,驚有皺紋,點解諗咁多?我成日都大笑特笑;「靚係好,但唔可以over,否則,好作狀,盡量keep啦!唔一定需要別人認同,過到自己咪OK。」
Kathy's tips Q:今季有乜潮流心水? A:Colorful。M & S今季有好多顏色衫,好驚喜,尤其貼身牛仔褲,我最怕彈性料,綁住雙腿好似成條香腸,佢哋質地貼服,cutting好,我最鍾意紫色。 Q:今次去Paris買咗乜? A:兩件tee,其他牌子香港都有啦!今季,仍鍾意CÉLINE,我係因為Phoebe Philo至愛上恤衫,絲質加上女性details,好靚。
後記 今日的Kathy,都幾今朝有酒今朝醉,當我問,今年忙啲乜?佢一副慵懶口吻,「呢一年至啱啱開始咋! 「你都知我從來唔去計劃未來。」貓本來就是懶洋洋。 她是有點寸有點話不投機有點自說自話,但,她一入鏡,幾乎每個角度都能令客戶滿意;貓愈靚,主人愈不捨,高竇慣了,當牠心情好掉轉頭走過來挨一下,誰能不心軟?
Marks & Spencer 中環皇后大道中22-28號 2921 8323 ####
Kathy 青綠色圖案絲質背心 $595 紫色skinny jeans $425 銀色粗手碯 $175 黑色橄欖形水晶手碯 $250 銀圈綴心形釦手鏈 各$85 裸色粗橡筋帶高獈涼鞋 $795 all Marks & Spencer
Kathy 銀色碎方粒頸鏈 $195 銀黑色多層垂吊飾頸鏈 $250 杏色銀線手鈪連金色幼手鈪 $195 橙紅色針織外套 $595 桃紅色純棉短袖tee $425 泥黃色豹紋彈性skinny jeans $550 裸色粗橡筋帶高踭涼鞋 $795 all Marks & Spencer
Kathy 深藍色條子西裝外套 $895 白色喱士背心上衣 $750 藍色彈性skinny jeans $425 黑色橄欖形水晶手鈪 $250 銀圈綴心形釦手鏈 各$85 啡色蛇紋露趾高踭鞋 $795 all Marks & Spencer
90年代 「細細個已入行(左),現階段,只想好好享受生活。」
09年 「我去旅行,鍾意試新食肆,最怕朋友話『唔得點算?』博吓之嘛!諗咁多做乜?」
11年 「無論我驚艷look或casual look,佢都欣賞,愛一個人,係靚係醜都會鍾意。」《蘋果日報》圖片
12年 「新年我同髮型及化妝師去法國滑雪,天氣反常特別凍,反而更好玩。」
Kathy 橙紅色緄黑邊背心 $475 銀色粗手鈪 $175 銀圈綴心形釦手鏈 各$85 黑色併皮skinny jeans $595 黑色猄皮ankle boots $895 all Marks & Spencer
Kathy 皮繩綴金色吊墜頸鏈 $85 米黃色純棉摺袖tee $295 灰綠色紮染流蘇圍巾 $395 深啡及淺啡色皮革幼腰帶 各$150 酒紅色百摺長裙 $595 蛇紋漆皮厚底涼鞋 $495 all Marks & Spencer
818 娛樂八掛大放送★
litalife 發表在 痞客邦 留言(0) 人氣()
留言列表