close


繞場一個圈，終於揀咗幾棵菜同兩個橙，但Suki唔知點解愁眉苦臉。

身為港姐，當然要美貌與智慧並重；身為港姐媽咪，就要出得廳堂入得廚房。好似徐淑敏同楊婉儀呢兩位港姐，如今已經升呢做咗媽咪，早前佢哋更不約而同於同一日現身中環超市買餸，不過兩位媽咪始終出身自不同年代，買餸態度自然好大分別。

徐淑敏若有所思
06年港姐徐淑敏（Suki）雖然已經係兩女之母，但生完之後身材依然弗爆，經常喺飲食節目《甜姐兒》入面騷身材。早前媽咪姐就喺超市撞到佢，當日天氣只得十零度，但Suki依然愛靚唔愛命，以一件單薄背心one piece裙買餸。佢一入到超市，即刻好熟手擸咗架手推車，一邊推一邊send短訊，好似好忙咁。後來Suki索性企喺超市路中間慢慢㩒，不過全程冇乜笑容，唔通係煩緊當晚煮咩餸？

楊婉儀四萬咁口
後生女身強力壯，着少件衫都冇所謂，不過老一輩就唔多襟凍。就喺Suki離開後，媽咪姐就見到95年港姐冠軍楊婉儀。當日佢着住長羽絨褸，到超市內嘅麵包店買麵包。難得佢仍記得港姐教誨，全程四萬咁口對人笑。唔知仲以為佢履行緊國際親善小姐嘅職務㖭！ ####

 
Suki一入到超市就向「有機蔬菜」冰櫃進發，不過到埗後竟然企喺路中間，不停㩒電話。

 
雖然一路行一路傾電話，但Suki發出嘅聲浪蚊螆咁細，算有公德心啦！

 
楊婉儀只係揀咗幾個麵包，買咗幾十蚊嘢，但佢同麵包師傅有講有笑，態度親民。


買完嘢，楊婉儀即打電話call司機，當日佢仲自備購物袋，相當環保。

arrow
arrow
    全站熱搜

    litalife 發表在 痞客邦 留言(0) 人氣()

    E-mail轉寄