上月底無綫新聞部發生咗單嘢，雖然只係短短幾秒嘅事，但原來別有內情，到今日仲成為網上熱話！

本來呢單嘢主角得一個，就係無綫互動新聞台靚女主播黃紫盈。事緣佢上月27號，下晝五點半報新聞嗰陣，明明講緊南非前總統曼德拉病情，點知紫盈都未報，已經雙眼通紅，熱淚「盈」眶，講唔夠幾句，仲流咗一滴眼淚。

要知道報新聞茲事體大，專業精神，紫盈咁樣喊一喊，雖則惹起網民憐愛，但亦有觀眾指摘佢唔夠專業。

咁究竟紫盈因乜事而喊呢？唔通真係為民權領袖曼德拉而哭？非也，反而係同紫盈同事——另一主播小花張文采有關。

據知，當日五點半新聞嗰檔，係由男主播葉昇瓚負責報道，但因為佢個頭(髮型)唔多掂，新聞部話事人「花哥」（袁志偉）話要換人，咁當時只係得張文采同黃紫盈兩個，就要睇下邊個捱義氣。

咁又因為黃紫盈要先錄影《周末闖蕩》，所以紫盈就請張文采幫手、頂咗五點半新聞，據知張文采係應承咗。

點知黃紫盈錄完出來，張文采就同黃紫盈講，要佢自己做番（五點半新聞）。黃紫盈當然唔肯啦，一來張文采話咗頂更在先：二來黃紫盈都冇時間準備，三來…呢個遲少少先交代。

總之兩女互相推搪之際，張文采爆咗句：「o依家唔係我問你得唔得，而係我叫你去！」當時應該都有唔少人聽到。

就係咁，黃紫盈兩眼通紅咁去頂咗個五點半新聞，報報吓仲忍唔住流咗一滴眼淚……

張文采（左）被指用職權欺壓黃紫盈。
張文采（左）被指用職權欺壓黃紫盈。

事件起因竟然係葉昇瓚個髮型出現問題。（資料圖片）
事件起因竟然係葉昇瓚個髮型出現問題。（資料圖片）

回顧一下，葉主播個頭如果耐咗唔修修，真係會飛起咗0架。
回顧一下，葉主播個頭如果耐咗唔修修，真係會飛起咗o架。

文采突反口十分鐘KO黃紫盈？

上回講到，上月27日，本來應由葉昇瓚負責嘅五點半新聞，因為上頭落order要換人，無綫互動新聞台主播張文采應承咗黃紫盈話會替紫盈更，點知黃紫盈忙完佢手頭上嘅嘢，就到五點半喇，張文采先至say no，要黃紫盈做番。而當時冇第三個主播可以頂替。

據知兩位主播爭持不下之時，有人聽到剛剛升咗做Senior嘅張文采爆咗句：「依家唔係我問你得唔得，而係我叫你去！」就係咁，黃紫盈毫無心理準備下，臨時拉伕上陣，可能感到有點委屈，於是忍唔住報新聞時流下眼淚。

咁究竟當時有幾趕急？據知情人士透露，黃紫盈錄完佢嘅《周末闖蕩》時，係五點二十分，距離五點半新聞得番十分鐘。點知有人突然反口，殺紫盈一個措手不及，壓力可想而知。因為萬一錯咗嘢，咁就大件事。咁當然，依家，都幾大件事吓。

兩大新聞小花張文采黃紫盈大鬥法
兩大新聞小花大鬥法，呢件事會點收科？

黃紫盈眼濕濕張文采男友留言反擊

於上月二十七日傍晚近六時，在互動新聞台報道有關南非前總統曼德拉的健康狀況時，靚女主播黃紫盈忽然雙眼通紅，聲線顫抖，事後網友們連串揣測，有指當日，本來是由男主播葉昇瓚負責報道，但因高層袁志偉不滿葉昇瓚的髮型而下令換人，當日黃紫盈及張文采當值，但基於黃紫盈要錄影專題節目《周末闖蕩》，故張文采便答允負責報道，但當黃紫盈比預期中早完成錄影後，張文采就以高級記者身份命令黃紫盈代替自己報道新聞，故黃紫盈一時氣難下便含淚報道。

張文采被指欺壓黃紫盈，女神形象大受影響，而張文采的男朋友羅鈞滿(Moon)，於今日凌晨接近二時，他在微博留言力撐女友︰「只是默默耕耘做好本分等待機會的人，她沒有想過耍任何手段博上位，沒有想過一步登天。她只是一位簡單的儍大姐。她被欺凌，路過刻意被撞、被罵，都沒展露過半點。如果她是一位出賣同事爆大獲(鑊)博上位不果再施淚功以圖成名毀同事前途的女子，怎會跟上一位連真實名字也說不出的三線藝人。淚，該向肚裡(裏)流。」