早前蘇志威被自養的藏獒 Coolman咬傷，左眼角側有三條明顯傷痕。阿細由 Coolman還是 BB時便飼養，兩歲半的牠身形龐大。
探熱針
家有惡犬 蘇志威遭藏獒咬傷
最近內地接二連三發生藏獒咬死人事件，據聞蘇志威（阿細）亦同樣中招。養了兩年半藏獒的他，早前被愛犬咬傷眼角見紅，要飛車到醫院求醫。
靠塊面搵食，加上藏獒獸性難馴，阿細無奈忍痛將愛犬送走，避免血案再次發生。
捱三針
同老婆劉小慧以及兩個囡囡住在飛鵝山陶樂苑的蘇志威，家中養有四隻狗看門口，其中一隻兩歲半藏獒 Coolman，有指早前一度失控咬傷阿細，對此，他直認不諱：「已經係前排嘅事，我都唔係好傷， Coolman亦唔係有心整傷我，係我唔記得佢背脊受咗傷，摸佢時整痛佢， Coolman自然反應跳起，啲牙撞到我左眼角啫。」
雖然傷口不深，但當場見血，唯有由飛鵝山飛車出市區求醫，「我只係去咗九龍法國醫院洗傷口，唔使縫針，不過一年內要打齊三支破傷風針，有十年免疫期。」
阿細家住的陶樂苑四面都是林木包圍，人跡罕至，需要養狗看門口。
Paul在圈中算是養藏獒的專家，愛犬拍在嬌小的朱茵身旁，狗頭大朱茵兩倍。
Coolman離開阿細個多月後，竟然跑十分鐘路程，偷偷返回主人家，對主人忠心耿耿。
被自己一手養大的藏獒咬傷面，事發後阿細一度忍痛將愛犬送給有訓練藏獒經驗的友人處飼養，「諗住將 Coolman送俾個朋友，佢好鍾意藏獒，又識得訓練，同我住得又近，可以隨時去睇佢。」
幫愛犬另覓好人家，但 Coolman卻接二連三偷走，想重返阿細身邊，「第一次偷走，朋友喺飛鵝山莊個更亭前面搵番佢，老婆知道後已經話如果 Coolman再走，就接番佢返屋企，點知第二次， Coolman直頭偷走返到嚟屋企；其實 Coolman好乖，唔會隨便傷人。」
當日決定棄養，無非想 Coolman有更愛錫牠的主人和得到更專業訓練，現在愛犬已返回阿細身邊，但原來「父子」分離期間，曾有人想高價買走 Coolman。
「嗰個內地人同我朋友講，想出三十萬買我隻狗，後來出到六十萬，我梗係唔賣，我送去朋友度養，都係諗住大家住得近，隨時可以探 Coolman，點捨得賣。」
除了阿細，馬賽亦曾被自養的鬆獅狗 Bear Bear咬傷三次，包括手、腳及下巴，同樣要到醫院打破傷風針，馬賽最終忍痛將 Bear Bear送走，為此她曾在微博自責管教不善，「嗰時 Daddy覺得唔可以再將 Bear Bear陪住我，結果送咗 Bear Bear返鄉下屋企，依家由親戚養住，好乖，冇再咬人。」
馬賽亦曾被自養的鬆獅狗 Bear Bear咬傷手，最終要將愛犬送回鄉下的家給親戚飼養。
馬賽是愛狗之人，經常與朋友的狗玩樂，只要有時間，她也會回鄉探望 Bear Bear。
百萬藏獒
原產於中國青藏高原的藏獒，性格兇猛、善攻擊，但對主人極之馴服，本是看守家園、牧馬放羊的好幫手，但近年中國寵物界突然興起藏獒熱，市場價甚至高見百萬人民幣。
意外難避免
唔少圈中人都有養寵物習慣，即使受到意外襲擊，亦未有怪責。
曹永廉
三年前，曹永廉的兩歲兒子，被家中一頭養了七年的西施狗咬傷，入醫院打破傷風針。事後曹永廉說：「囝囝同隻狗一直河水不犯井水，可能當日開門撞到隻狗先會咬人，只係一場意外，我唔會因為咁放棄隻狗。」
呂慧儀
愛貓的呂慧儀，曾被自養的花貓 Tiger抓傷腿部，呂慧儀施以懲罰，要 Tiger面壁思過。
宣萱
出名愛狗的宣萱，早前到流浪動物組織幫手照顧流浪貓，餵食期間被一隻單眼貓咬傷手指流血，但她卻反過來安撫貓貓。
撰文、攝影：娛樂組
留言列表
