盧永仁（右）廿年來不斷轉工兼轉行，曾替 I.T的沈嘉偉（左）工作，最終辭職走人，有網民話佢有「點金成灰」嘅特異功能。 

中環人語

麥肯錫魔咒

曾經喺麥肯錫做顧問七年嘅張震遠，走去創業搞商交所，結果搞到一鑊泡。商界傳聞，喺麥記做完 consultant出來創業或教人創業嘅，都無咩好結果。唔只係張震遠，另一個麥肯錫出來嘅盧永仁，亦「去邊間（公司）、死邊間」。佢自九○年由麥肯錫出身，廿年來做過約十間公司高層，次次都胸懷大計，最後全部蝕入肉。在互動多媒體服務公司，蝕數億；三千萬入股正奇（ 336），蝕四千萬；做海域非執董，公司爆煲；入 I.T大幅擴展業務，盈利大跌七成要辭職走人，因此盧永仁多咗個朵，叫「中環劏豬櫈」。佢一一年入咗南華傳媒，做副主席至今，暫時無出事，否則又多一筆賬。

比起張震遠同盧永仁，倪以理就正路得多。 

另一個同樣命運、但無咁坎坷嘅，係倪以理。佢一樣係哈佛出身、再喺麥肯錫做暑期工。九九年佢就出來搞科網，○二年爆破失敗，結果返去麥肯錫香港做總經理；最近則被拉入搞到滿城風雨嘅金發局。做顧問，收嘅只係顧問費，當然不及拋個身出來賺大錢過癮；不過，除咗叻，成功要配合天時地利人和，仲要自己企啱位，係咪？

Give me a break　中環 OL Tea Party

在中環開 party，不一定只有酒和震耳欲聾的音樂，今次就介紹兩個環境優雅又舒服、專為女士打造的 party好地方。位於上環利文商廈的「 The Girls Room」，走歐洲家庭風格，時尚巴黎風為藍本， girlish得來帶點現代感，粉色系的主調，加上一些氣球、道具布置，大概每個 OL去到都心動。二百多呎的地方放有一張長餐枱，所有餐具和陳列櫃的飾物都是老闆 Sarah在歐洲搜羅回來。除了一般的 tea party、 Bridal shower外，客人可以要求一邊做 DIY手作，一邊 high tea。包場兩小時要二百八十元起，視乎 party形式，每次至少六個人，包八款法式地道茶點。
另一間是位於西半山太子臺的「 Another Fine Day」，由林建岳前女友陳浥萍（ Monica）跟兩名廣告界朋友開設，店外面有個小花園，布局同繁囂嘅中環截然不同。店內一樣放有幾張英式田園風味的矮几和長沙發，吸引不少客人來開 Bridal shower、 Baby shower等。

位於太子臺盡頭的「 Another Fine Day」，與繁囂的中環隔絕，自成一個小天地。 

除了用作開 party，「 The Girls Room」老闆 Sarah亦會舉辦 flower jaming等活動。 

「 The Girls Room」的小食均來自本地的法國供應商。

名人小時候

呢排小宗再執櫃桶，摷出一批名人舊相，個個細時鬼咁青澀可愛。例如三十幾四十年前，正值十幾歲的超瓊，樣子超甜美，與家吓索爆的何家淑女超蓮相當似樣，超儀黑黑實實，猷龍則一臉稚氣，仲有對白兔牙。另一得意小朋友係恒基副主席李家誠，當年佢𠵱起棚牙咁笑，充滿天真；今時今日結埋婚生埋仔，笑容一樣無變。至於唐英年，面容輪廓同而家一模一樣。

三十多年前，賭王（左一）帶二房一班細路到日本旅行，當時超瓊（左二）只得十幾歲，卜卜脆甚有何家淑女典範。左三及右一、二分別為超蕸、猷龍及超儀。 

○六年賭王八十五歲生日，二房影全家福，超瓊（右一）已一身女強人打扮，其他弟妹唯她馬首是瞻。 

少年時的唐唐（左）一臉英氣，但太瘦「[!8AD8]唔起」件乾濕褸。

面容輪廓不變，唯頭髮比少年時的「蛋撻頭」少得多。 

露點的李家誠，戴埋手錶游水。 

笑容依舊，現已是恒基集團接班人。

廣告時間

你有某財團嘅黑幕想爆？你知邊間上市公司造假？
你仲想舉報地產霸權嘅不公？
歡迎你將財金界嘅寃屈或過癮八卦事，爆俾《壹仔》財經組知，一切報料，均會保密！

爆料熱線/whatsapp:
6829 5929

金牙大狀講嘢
未收旅遊證件

只係協助調查，並無收起旅遊證件，唔怕佢…… 

兩年前啤梨已經要同金勞詹度八百萬，結果都係過唔到骨，以致釘牌。正是人要面，樹要皮；若非山窮水盡，邊個想行呢一步呢？
不過世事嘅嘢，往往唔到你話唔想就唔想者。好似啤梨咁，釘牌固然唔想，辭任行會、市建局等公職就更加唔想，但到警方要搵你協助調查，咁幾唔想都冇計㗎噃！
既已山窮水盡，更加要協助警方調查，掉轉你係啤梨，又會點想呢？搵佢協助調查之餘，係咪應該收埋佢嘅旅遊證件呢？否則一個唔覺意俾佢去咗柬埔寨——甚至北韓——咁你話點好啦！
冇錯，坐漁船唔使旅遊證件，但台灣早已發明送人上飛機此一絕招。啤梨係聰明人，點會唔知呢？都係收埋旅遊證件穩陣啲！

中環人語迷你版

對比反國教十二萬人，呢五百人只係九牛一毛。

估中邊個中環人講呢句說話，送你 JWATCH J-33藍寶石鏡面限定版手錶一隻有意參加者，請於六月三日 24:00前將答案電郵 mailto:centralman@nextmedia.com小宗只接受電郵，郵寄免問。

上週人語揭曉

從無向任何所謂「大地產商」借貸。

答案：張震遠
得獎者： Ada Ng
中獎時間： 1:00pm 22/5/13

本刊員工及直系親屬不得參加。
為求公平及杜絕偷步搶答起見，請於星期三下午一時後來電郵競猜答案；在此之前發出之電郵作廢。
超過一位讀者估中，先到先得，恕不接受上訴。
答案及中獎者姓名將於一三年六月六日本欄揭曉。