close
完全冇理由，唔勞氣就假。（設計對白）
原本嘆咖啡係好疏乎嘅事，但甄子丹當日忍唔住，鬧到七情上面，連身旁嘅鄭保瑞都唔覺意流露尷尬神色（右圖）。
媽咪姐
甄子丹呻爆最強
「宇宙最強」甄子丹嘔心瀝血嘅《 3D冰封俠》，日前喺舊啟德機場搭建咗條青馬大橋拍攝。吊住威吔成身大汗嘅佢，同記者呻爆：「政府唔肯借青馬大橋咪要搭景，政府所有都借唔到㗎啦！」認真多怨氣。
其實媽咪姐早前喺中環置地廣場嘅 coffee shop撞到甄子丹，同場仲有導演鄭保瑞（唔係《 3D冰封俠》導演呀！）。媽咪姐發現「宇宙最強」好鬼勞氣，滔滔不絕咁估計佢當時應該鬧緊政府點樣唔撐電影業。
老實講，政府撐唔撐電影業係一回事，但要封青馬大橋三條行車線去拍戲又難免誇張咗啲，事關條橋係來往機場同市區重要交樞，唔係話封就封囉！「宇宙最強」，你息怒啦！
甄子丹日前（ 18號）出席「 Power of Film慈善晚宴」時，見到《標殺令》女主角奧瑪花曼（紅裙），即螞蟻嘍蜜糖，成晚喺花曼左右，仲笑口噬噬，跟早前呻到樹葉落，完全兩個樣。
甄子丹上周五（ 15日）喺舊啟德機場趕拍《 3D冰封俠》，雖然搭咗條青馬大橋，但佢就話效果冇實景咁得，要再用 CG特技補救喎！
全站熱搜
留言列表
