close


截車出發

90年憑《你怎麼捨得我難過》走紅嘅台灣歌手黃品源，同太太巫若萍結婚16年，有一仔一女，一直係台灣嘅模範夫妻。
不過上個禮拜，已經43歲嘅黃品源，居然俾人發現帶19歲模小慧去時鐘酒店開房，記者响出面等咗兩個鐘都唔見佢出嚟。


臨老入花叢，黃品源事後解釋，小慧係佢親生姪女，當日係帶佢見導演馮興華以及製作人金燕玲，希望兩位前輩可以關照世姪女。至於點解要去時鐘酒店面試？小慧係咪佢阿哥個女？黃品源以夠鐘埋位拍劇為由，唔肯再解釋。
記者搵馮興華、金燕玲求證，兩公婆似乎未夾口供，馮導演話自己响時鐘酒店拍緊嘢，金燕玲就話自己响附近行緊街，所以約去時鐘酒店見面喎。
老實講，點解釋都好難令人信服，外界亦一面倒戥黃太巫若萍陰功，想當年黃品源事業陷入低潮期，老婆願意佢同一齊捱，家陣黃品源有毛有翼有事業，居然瞞住老婆出面搞妹，係千年好男人道行一朝喪。 ####


上的士


模攞房
黃昏五點幾，收工離開電視台嘅黃品源，去捷運站會合小慧，再一齊坐的士去時鐘酒店，小慧更先下車，去櫃位辦理攞房手續。


同太太巫若萍結婚16年，人前人後一直表現恩愛，黃品源話今次帶小慧去時鐘酒店見導演，事前有同老婆備案。


近年黃品源已經好少唱歌，反而會拍吓電視劇，之前佢同張菲主持綜藝節目《綜藝大哥大》，獲得「金鐘獎」最佳主持人獎項。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄